Pershendetje e Krereve rregulltare te Galilese

FJALIMI I ATIT TË SHENJTË BENEDIKTI XVI

Auditori i Tempullit të Lajmërimit- Nazaret

E enjte, 14 maj 2009

Të dashur Miq,

     jam mirënjohës për fjalët e mirëseardhjes të Ipeshkvit Giacinto-Boulos Marcuzzo dhe për pritjen tuaj të ngrohtë, përshëndes përzemërsisht krerët e bashkësive të ndryshme të pranishme, duke përfshirë të Krishterë, Myslimanë, Judenj, Drusë dhe persona të tjerë.

 Ndiej një bekim të veçantë që mund ta vizitoj këtë qytet të nderuar nga të Krishterët si vendi ku Engjëlli lajmëroi Virgjërën Mari që do të mbetej shtatzënë nga Shpirti Shenjt. Këtu edhe Jozefi, i fejuari i saj, pa në ëndërr një Engjëll dhe i tha që ta quanin fëmijën “Jezus”. Pas këtyre ngjarjeve të mrekullueshme që shoqërojnë lindjen e tij, fëmija u soll në këtë qytet nga Jozefi dhe Maria, ku “Fëmija rritej, forcohej dhe merrte fuqi përplot me urti-dhe biri i Hyjit ishte me të” (Lk 2,40).

 Bindja se bota është një dhuratë e Hyjit dhe që Hyji ka hyrë në zhvillimet dhe në dredhat e historisë njerëzore, dhe perspektiva që të krishterët shikojnë që krijimi ka një arsye dhe një qëllim. Larg nga të qenit rezultat i një fakti të verbër, bota është dashur nga Hyji dhe tregon bukurinë e tij të lavdishme. 

Në zemër të çdo tradite fetare është bindja se vetë paqja është një dhuratë e Hyjit, edhe pse nuk mund të arrihet pa përpjekjet njerëzore. Një paqe e qëndrueshme vjen nga njohja se bota nuk është pronë e jona, por më shumë një horizont brenda të cilit ne jemi të thirrur të marrim pjesë në dashurinë e Hyjit dhe të bashkëpunojmë për ta udhëhequr botën dhe historinë nën frymëzimin e tij. Nuk mund të bëjmë me botën gjithçka që na pëlqen, jemi të thirrur t’ia përshtasim zgjedhjet tona ligjeve të komplikuara dhe megjithatë të ndjeshme të shkruara nga Krijuesi në univers dhe të modelojmë veprimet tona sipas mirësisë hyjnore që mbush mbretërinë e krijuesit.

 Galilea, një tokë e njohur për shumëllojshmërinë e saj etnike dhe fetare, është atdheu i një populli që i njeh mirë përpjekjet e kërkuara për të jetuar në bashkëjetesë harmonike. Taditat tona fetare të ndryshme kanë në vetvete potenciale të dukshme sipas nxitjes së një kulture paqeje, veçanërisht nëpërmjet mësimit dhe predikimit të vlerave shpirtërore më të thella të njerëzimit tonë të përbashkët. Të krishterët bashkohen me Hebrenjtë, Myslimanët, Drusët dhe me persona të besimeve të tjera në dëshirën për t’i ruajtur fëmijët nga fanatizmi dhe nga dhuna, ndërkohë që i përgatisin të jenë ndërtues të një bote më të mirë.

 Miq të dashur, e di që ju i mikpritni me gëzimin dhe me përshendetjen e paqes shtegtarët e shumtë që vijnë në Galile. Ju inkurajoj që të vazhdoni ta ushtroni respektin e ndërsjellë, ndërkohë që punoni për të lehtësuar tensionet në vendet e kultit, duke garantuar kështu një ambjent të qetë për lutje dhe meditim, këtu dhe në të gjithë Galilenë. Duke përfaqësuar tradita të ndryshme fetare, bashkëndani dëshirën e përbashkët për të kontribuar për përmirësimin e shoqërisë dhe të dëshmoni kështu vlerat fetare dhe shpirtërore që ndihmojnë për të mbështetur jetën publike. Ju siguroj që Kisha Katolike është e angazhuar për të marrë pjesë në këtë ndërmarrje fisnike. Duke bashkëpunuar me burra dhe gra vullnetmirë, ajo do të kërkojë të sigurojë që drita e të vërtetës, e paqes dhe e të mirës të vazhdojë të ndriçojë nga Galilea dhe të udhëheqë personat e krejt botës të kërkojnë gjithçka që nxit bashkimin e familjes njerëzore. Hyji ju bekoftë të gjithëve!

titujt kryesorë

webmaster