TAKIMI ME DELEGACIONIN HEBRAIK

FJALIMI I ATIT TË SHENJTË BENEDIKTI XVI

Paris

E premte, 12 shtator 2008

Është një kënaqësi, miq të dashur, që ju pres sonte. Është një rrethanë e volitshme që takimi ynë zhvillohet në vigjilje të kremtimit javor të shabbat-it, dita që nga kohët e hershme zë një vend kaq të rëndësishëm në jetën fetare dhe kulturore të popullit të Izraelit. Çdo hebre i devotshëm shenjtëron shabbat-in duke lexuar Shkrimet dhe duke recituar Psalmet. Miq të dashur, ju e dini, edhe lutja e Jezusit ishte e ushqyer me Psalme. Ai shkonte rregullisht në Tempull dhe në sinagogë. Aty mori edhe fjalën ditën e shtunë. Deshi të theksonte se më çfarë mirësie Hyji i amshueshëm kujdeset për njeriun, edhe në organizimin e kohës. Vallë, Talmud Yoma (85b) a nuk thotë: “E shtuna ju është dhuruar juve, por ju nuk u jeni dhuruar të shtunës?”. Krishti ka pyetur popullin e Besëlidhjes që të njohë gjithmonë madhësinë e padëgjuar dhe dashurinë e Krijuesit të të gjithë njerëzve. Miq të dashur, për arsye të asaj që na bashkon dhe për arsye të asaj që na ndan, kemi një vëllazëri për të forcuar dhe për të jetuar. Dhe e dimë që lidhjet e vëllazërisë përbëjnë një thirrje të vazhdueshme për t’u njohur më mirë dhe për t’u respektuar.

Për natyrën e saj Kisha katolike ndihet e angazhuar të respektojë Besëlidhjen e bërë nga Hyji i Abrahamit, i Izakut dhe i Jakobit. Në fakt, ajo lidhet me Besëlidhjen e amshueshem të të Gjithëpushtetshmit, planet e të cilit janë pa pendime dhe respektojnë bijtë e të Premtimit, bijtë e Besëlidhjes, si vëllezërit e tij të dashur në besim. Ajo përsërit me forcë, nëpërmjet zërit tim, fjalët e Papës së madh Piut XI, paraardhësit tim të nderuar: “Shpirtërisht, ne jemi semitë” (Allocuzione ai dei pelegrini del Belgio, 06.09.1938). Për këtë arsye Kisha i kundërvihet çdo formë antisemitizëm, për të cilin nuk ka asnjë justifikim të pranueshëm teologjik. Teologu Henri de Lubac, në një orë “terri”, siç thoshte Pio XII (Summi Pontificatus, 20.10.1939), kuptoi se të qenit antisemit do të thotë edhe të jesh antikristian (krh. Un nuovo fronte religioso, botuar në vitin 1942 në: Israele e la Fede cristiana, fq. 136). Edhe një herë ndihem i detyruar t’i bëj një nderim prekës atyre që kanë vdekur padrejtësisht dhe atyre që janë përpjekur që emrat e viktimave të mbetnin të pranishëm në kujtime. Hyji nuk harron!

Nuk mund të anashkaloj, në një rast si ky, të përmend rolin e shquar të bërë nga Hebrejtë e Francës për ndërtimin e mbarë Kombit dhe kontributin e tyre prestigjoz ndaj pasurisë së tyre shpirtërore. Ato kanë dhuruar – dhe vazhdojnë t’i dhurojnë – figura të mëdha botës së politikës, të kulturës, të artit. Formuloj kushte të respektueshme dhe plot ngrohtësi për secilin prej tyre dhe thërras me afsh mbi të gjitha familjet tuaja dhe mbi të gjitha bashkësitë tuaja një Bekim të veçantë të Hyjit të kohëve dhe të historisë. Shabbat shalom!

titujt kryesorë

webmaster