NË UDHËN E KRYQIT DREJT SHPRESËS

 Kreshmët e vitit 2006 kanë shënuar një etapë të rëndësishme për ecjen tonë të vëllazërisë si Klarise, pjesë e Kishës në Shkodër.Vendi nga i cili i lartësohet Hyjit lavdi ynë dhe në të cilin çdo ditë lëvizim është për ne një përkujtim i vazhdueshëm i atyre që na kanë paraprirë në dëshminë e fesë. Për këtë arsye, me rastin e 60-vjetorit të fillimit të përndjekjeve komuniste, kemi dashur të jetojmë përvojën e Udhës së Kryqit javore duke ftuar të gjithë që ta ripërshkojnë udhën e kalvarit në këtë shenjtërore të dhimbjes njerëzore. Jezu Krishti i kryqëzuar, i vdekur dhe i ringjallur për ne, na thërret që ta drejtojmë shikimin tonë drejt Tij, për t’u pajtuar me historinë e kaluar, për t’u angazhuar në të tashmen me qëllim që të ndërtojmë një të ardhme paqeje dhe shprese. Fjala e Hyjit dhe fjala e Martirëve kanë tingëlluar në korridoret e ish-burgut të Shkodrës (Sigurimi i Shtetit), në një klimë heshtjeje të thellë dhe folëse.Në takimin e çdo të mërkureje në orën 15.30 kanë marrë pjesë qindra persona, rregulltare e laike, të ardhur nga qendra dhe jugu i Shqipërisë. Arqipeshkvi Imzot Angelo Massafra, Vikari i Përgjithshëm Imzot Lucjan Avgustini, Provinciali i Urdhrit të Fretërve Minorë Atë Ndue Gashi dhe Atë Flavio Cavallini O.F.M., kanë udhëhequr lutjen përgjatë ndalesave të Udhës së Kryqit.

(artikull i botuar në “Fjala e Paqes”)

titujt Murgeshat Klarise

webmaster