Falenderime Drejtuar Donatorëve dhe Institucioneve

Dëshiroj të falenderoj donatorët e shumtë të cilët na dhanë mundësinë  të realizojmë këtë ëndërr, me jo pak sakrifica. Së pari Caritas-in e Darfo-Brescia që na dhuroi strukturën e bukur me anë të fondeve të Misionit Arcobaleno, të cilit i takon një falenderim i veçantë dhe i përzemërt për bashkëpunimin.

Gjithashtu, falenderoj edhe Caritas-in Dioqezan të Brescias, që ka financuar blerjen e terrenit prej 8000 m² mbi të cilin sot ngrihet qendra.

Por, nuk mund të lë pa përmendur rolin e rëndësishëm të ish-Kryeministrit Shqiptar Z. Pandeli Majko dhe ish-Ministrit të Punëve të Brendshme Shqiptare Z. Spartak Poçi, të cilët bënë të mundur dhurimin e strukturave ushtarake (“ish kazerma e Policisë së Kufirit pranë lumit Buna”), që sot janë pjesë  e Fshatit të Paqes, në shërbim të njerëzve më të varfër dhe të paqes universale.

Një përshëndetje të veçantë dëshiroj të rezervoj për Don Danilo Vezzoli, drejtor i Caritas Darfo-Brescia, dhe për stafin e tij, për miqësinë dhe vëllazërinë që kanë treguar gjatë zbatimit të punimeve të ndërtimit të qendrës, e cila gjithmonë do të mbajë firmën e miqve nga Brescia.

Duke përfunduar, dëshiroj të shpreh mirënjohjen e kishës së Shkodrës ndaj Renovabis dhe Misereor - Germany për besimin e dhënë ndaj projektit “Shtëpia e Paqes” dhe për gjithë mbështetjen që ofrojnë, për realizimin e kësaj ëndrre të Kishës së Shkodrës.

                                                  + Angelo Massafra

Arqipeshkev Metropolit Shkoder-Pult

titujt kryesore

webmaster