KRISHTLINDJE NË STAJKË

Edhe sivjet përgatitja për Krishtlindje ishte e disi e veçantë dhe e mbushur plot me veprimtari të ndryshme. Si përgatitje e festave ishte Nëntëditëshi i Krishtlindjes dhe pjesëmarrja e madhe e besimtarëve në këtë lutje tradicionale të trashëguar nga Kisha e bënte më të bukur lutjen.

Grupi i të rinjve u angazhua për përgatitjen e Betlehemit në një mënyrë të ndryshme nga herët e tjera, duke i kushtuar një kujdes te jashtëzakonshëm kompozimit dhe zbukurimit të ambientit. Grupi i animatorëve ishte i organizuar një mënyrë pothuajse perfekte duke zbatuar gjithsecili rolin e vet të caktuar nga grupi drejtues. E veçanta ishte se çdo pjesëtar i famullisë ishte i interesuar që punët të shkonin mirë dhe se ishin të gatshëm për të ndihmuar për mbarëvajtjen e festave. Vlen të theksohet se çdo familje ka kontribuar ekonomikisht për zbukurimin e vendit dhe për qetësinë që klima e festave të jetë në nivel të lartë. Gjatë Meshës së mesnatës mbizotëronte një klimë hyjnore ku besimtarët shprehnin qartë bashkëndarjen e festës vëllazërore e hyjnore. Kremtimi eukaristik ishte kulmi i festës ku të gjithë një mendje dhe një zemre i drejtoheshin Atit qiellor që të sjelltë bekim dhe lumturi në famulli. Mbas Meshës, një gjë e mrekullueshme ishte festimi i organizuar nga famullia, ku qielli i famullisë u mbush me shumë ngjyra të ndryshme nga fishekzjarret e shumta dhe nga tingulli i bukur i këmbanave që shpallnin gëzimin e festës .

Me inciativën e famullitarit Dom Nikolin Toma, i mbështetur edhe nga grupi i animatorëve, me dt 29.12.2007 u organizua një ditë në orator me të gjithë së bashku si famulli. Gjatë këtij aktiviteti u prezantuan punimet më të bukura të punuara nga duart e grupmoshave të ndryshme si dhe specialiteti i kuzhinës që zinte një vend të veçantë. Po në këtë ditë mbasdreke u organizua një spektakël nga fëmijët dhe të rinjtë e famullisë me rastin e Krishtlindjes dhe Vitit të Ri 2008.

E gjithë kjo nuk është një poezi e festave që të gjithë ndihen mirë, por ka një rikthim praktik në jetën e përditshme për të gjitha ditët e vitit.

Me gëzimin e festave të gjithë pjesëmarrësit përshëndetën njëri-tjetrin duke uruar gëzimin që sjell në vatrat e shtëpive vëllazërie e paqje dhe për më shumë të gjitha ëndërrat që mbartim brenda të mund të realizohen.

titujt kryesore

webmaster