Imzot Lucjan Avgustini emërohet Ipeshkëv

 Vendimin e Atit të Shenjtë, Benediktit të XI p7r t7 em7ruar Ipeshkëv të Sapës Shkëlqesinë e Tij, Imzot Lucjan Avgustini, qyteti i Shkodrës e priti me admirim por edhe me keqardhje. Themi me admirim sepse tani Imzot Avgustini i bashkohet atyre burrave fetarë që të zgjedhur nga shpirti i Zotit dhe Kisha do ta udhëheqin Kishën e veçantë drejt Mbretërisë së Amshuar, dhe themi me keqardhje, pasi Imzot Avgustini do ta lërë Shkodrën për një mision më fisnik. Nuk mund të mos kujtohet me simpati personi i Imzot Lucjanit, pasi në momente shumë kritike të Shkodrës ai ishte në rreshtat e parë dhe i pakursyer që në emër të dashurisë së Krishti të zbuste rebelimet sociale të viteve 1997-1998. Nuk mund të mos falënderojmë Zotin për shërbimin që bëri në Shkodër gjatë këtyre 12 viteve të qëndrimit të tij, dhe jemi të bindur se ai nuk mund të largohet nga Shkodra, pasi kujtimi i tij do të lidhet me qindra sakramente e vepra të përshpirtshme të kremtuara nëpër duart e tij meshtarake, me homelitë bindëse dhe mbresëlënëse, me riorganizimin e zyrës famullitare, me kompanjelin e Katedrales, me lulishten erëkandëshme të famullisë, e shumë e shumë të tjera gjëra.

Për këtë arsye, Arqipeshkvi, Sh. T. Imzot Angelo Massafra, duke dashur ta falënderoj7, Sh. T. Imzot Avgustinin për shërbimin që bëri si Vikar i Përgjithshën dhe si Famullitar i Katedrales së Shën Shtjefnit, organizoi në datën 26 dhjetor, n7 kremtimin e Pajtorit të Qytetit, Meshën e falënderimit për Imzot Lucjanin dhe në pasdreken e po asaj ditë një mbrëmje kulturore në Sallën Koliqi, ku u shpreh mirënjohja për punën e  tij nga Autoritet fetare dhe civile.

Edhe në emër të redaksisë nuk mund të mungoj7 falënderimi ynë për Ipeshkvin Avgustini, si dhe urimi që Ati i mirë dhe i çdo kohe ta mbushë me dijen e Shpirtit që udhëheq Kishën. 

 titujt kryesore

webmaster