Junjorati Ndërkongregacional

Sot me datën 15-17 dhjetor 2006 në Seminarin Nderdioqezan të Shkodër filloi takimi i dytë i Junioreve te vitit I-II dhe III në të cilën morën pjesë 28 motra. Në fillimin e këtij takimi kemi zhvilluar temën me titull; “Marrëdhëniet si vend takimi me të tjerët”, d.m.th., komunikimi; (kush është tjetri për mua). Për zhvillimin e temës si referuese ka qenë Motër Aneta Gjini, e Kongregatës Bijat e Dashurisë Hyjnore. Është diskutuar mbi disa pika kryesore “të zbulojmë porositë e saj”, te respektojmë diferencën e tjetrit e jo të jemi mosmirënjohës, sikurse na flet  B e Vjetër tek Kaini e Abeli; kur Zoti e pyet Kainin ku është vëllai yt? Këtë përgjigje ne e dimë mirë. Ne duhet të kuptojmë qe jemi pasqyrë e njeri – tjetrit, në marrëdhënie e mirëkuptim.

Kemi reflektuar edhe mbi dy pika tjera kryesore që ishin “Qetësia që flet” e ndarë në dy aspekte: në aspektin pozitiv dhe atë negativ;  e para aftësi reflektuese dhe e dyta si mjet distance. Ky moment i heshtjes është i barabartë me ndërgjegjen+respektin, pra aftësia për të dëgjuar tjetrin, respekti te nënkuptoj përgjigje të sakta te cilat janë të dobishme për kuptimin dhe qëllimin e jetës time dhe të tjetrit. Në përfundimin e këtij takimi falënderojmë Zotin se bashku, që me ne ka qenë i pranishëm që në momentin e fillimit të lutjes së mbrëmësores Mons Angelo Massafra ku me një meditim të shkurtër na la një mesazh  dedikuar kohës së ardhjes dhe Krishtlindjes që “zemrat tona të jenë djepi i Zotit tonë Jezus”. Kjo fjali na bëri të meditojmë edhe më shumë, sepse i përgjigjej temës që kemi zhvilluar, pra, kemi vënë re se komunikimi, bashkëpunimi, dialogu, respekti, ndërgjegjja dhe mentaliteti na ndihmojnë të jemi në marrëdhënie mes njëri – tjetrit.

Në këtë takim nuk ka munguar as momenti i argëtimit që ishte bazuar mbi temën tonë. Në përfundim përfitojmë nga rasti të falënderojmë Zotin për praninë dhe gatishmërinë e M. Aneta Gjinit që na ka zhvilluar temën, kjo na bën të kuptojmë se me liri të vërtetë dhe të plotë duhet ta pranojmë njëri-tjetrin ashtu siç jemi.

Junioret Shkodër

 titujt kryesore

webmaster