Përjetimi i 100 vjetorit te pranisë së Motrave saleziane

(Bijat e Marisë Ndihmëtare) në Shqipëri

.

Që në mëngjes herët të datës ...... grupi i korit të shkollës “Maria Ndihmëtare” filloi provat në përgatitje të Meshës së Shenjtë të falënderimit, që do të kryesohej nga Imzot Angelo Massafra. Në ora 9.00 një turmë jo e vogël fëmijësh dhe të rinjsh u nisën nga shkolla jonë në drejtim të Katedrales. Disa prej tyre vetëm tani po e kuptonin domethënien e madhe të këtij momenti: 100 vjet histori, që kanë shkruar në zemrat e shumë të rinjve e të rejave të tjerë, fjalë shprese feje dhe dashurie…

Tani po i takonte atyre radha që të përmblidhnin falënderimin e të gjithëve.

Një falenderim i thënë me entuziazëm rinor Zotit të jetës, që ndërton historinë tonë e që fiton me të mirën e vet edhe atëherë kur faktet duket sikur flasin për mposhje.

Kështu Mesha e falenderimit, ku ishin të pranishëm edhe Imzot George Frendo, Ipeshkëv Ndihmës i Arqidioqezës Tiranë Durrës dhe shumë meshtarë, rregulltarë e në veçanti etërit salezianë, prindër, bamirës, mësues, bashkëpunëtorë e mbi të gjitha shumë fëmijë, të rinj e të reja nga Tirana, Talja, dhe Shkodra, vende ku ne motrat saleziane aktualisht veprojmë. Nuk munguan të tregojnë interesimin e tyre dhe simpatinë për veprën tonë në të mirë të të rinjve edhe Autoritetet Civile. Ishin të pranishëm: Znj. Jozefina Topalli, Presidente e Parlamentit shqiptar, Zonja Voltana ......... zv. kryetare e Bashkisë së Shkodrës, si dhe Konsulli Italian .........

Menjëherë pas Meshës u hap në sallën Mikel Koliqi Ekspozita me fotografi që përmbledh historinë tonë në 100 vite. E vjetra dhe e reja qëndrojnë bashkë dhe pothuajse 50 vitet e heshtjes kanë një hallkë lidhëse konkrete: motër Luçieta Mhilli dhe motër Maria Gjomarkaj, e cila pati mundësi të festojë me ne si e vetmja dëshmitare e gjallë e një të shkuare të vështirë, por plot me praninë e Zotit.

Pasdite na priti një tjetër ngjarje e rëndësishme: Shfaqja e Teatrit: Jerina Mbretëresha e Luleve, që do të shfaqej në Teatrin Migjeni, luajtur nga fëmijët tanë dhe përgatitur nga prof Gjovalin Gjoni, Motër Izabela dhe mësuesit e shkollës sonë. Tema është patriotike dhe e shprehur me gjuhën e gjallë dhe karakteristike të Gjergj Fishtës. Mendojmë se është një mënyrë konkrete për të dëshmuar atë që Don Bosko e Maria Mazzarello kanë pasur për zëmër: të formojmë të Krishterë të mirë dhe qytetarë të ndershmë”. Kjo dramë i shpreh më së miri vlerat e një qytetarie demokratike të themeluar në vlerat e vërteta të ndershmërisë, të respektit e të lirisë. Interpretimi ishte vërtet i shkëlqyer.

Na nderuan me praninë e tyre Imzot Angelo Masafra, Kryetari i Bshkisë Shkodër, Artan Haxhi si dhe Konsulli italian..........

Me falënderim në zemër dhe në pirtje të aktiviteteve të tjera me rastin e 100 vjetorit  mbaroi kjo ditë e paharruar për të gjithë ne.

Motrat Salesiane

Bijat e Marisë Ndihmëtare

 titujt kryesore

webmaster