Vizita Baritore në Famullinë e Hotit M. Madhe

(Hot-Rapsh-Stare)

03-12-2006

Me  datën 3 dhjetor 2006, Imzot Angelo Massafra, Arqipeshkëv Metropolit i Shkodër-Pult, bëri vizitën e tij Baritore në Famullinë e Shën Gjonit Hot-M.Madhe. Në vizitën e tij u zhvilluan biseda të ndryshme mes besimtarëve dhe Imzot Massafrës. Në fillim të Meshës kremtuar në të tre fshatrat e kësaj famullie, (Hot, Rapshë dhe Stare) famullitari i kësaj famullie Dom Sharbel i uroi mirëseardhjen duke marrë falënderimin e Imzotit. Pastaj Imzot Massafra vazhdoi:

Kam 4 gjëra për t’ju thënë të cilat duhet t’i dëgjoni me shumë vëmendje :

1. Mos harroni Pagëzimin i cili është një Sakrament, sepse me pagëzim ne bëhemi të krishterë, vëllezër të Krishtit dhe me njëri-tjetrin, madje pagëzimi na shlyen mëkatin e rrjedhshme, atë mëkat të cilin e trashëgojmë nga Adami dhe Eva.

2. Jezusi thotë: nëse më doni mua, doni të afërmin tuaj, dhe për ta dashur atë, duhet të mbajmë urdhërimet dhe t’i zbatojmë ato. E të kemi parasysh se çfarë kërkojmë. Theksojmë të parin dhe të tretin. Të duam një Zot dhe të mos jemi supersticiozë, të marrim pjesë në Meshë çdo diel dhe ditë feste sepse na bën të denjë dhe na ofron më shumë me fenë tonë.

3. Duajeni njëri-tjetrin, sikur Unë ju desha juve, thotë Zoti. Kjo do të thotë që  nuk duhet të mbajmë inat me njëri-tjetrin, e mendojmë se nuk duhet të flasim keq për të tjerët ashtu si nuk duam që të tjerët të flasin keq për ne. Mua më pëlqen të thuhen gjërat në sy, sepse gjërat përballë sqarohen dhe të bëjnë të kuptosh kush je.

4. Duke folur për familjen, ju pyes: A e pyetni veten nëse bëjmë mirë apo keq. Sa djem martohen me vajza shume të reja në moshë. Ju nuk e mendoni se si do ta kalojnë jetën e tyre.

-         Mos i jepni vajzat për djem të cilët mund të jenë emigrantë jashtë shtetit, atje ku mund të lidhen me vajza të huaja dhe pastaj kthehen në vendlindje për t’u martuar me një vajzë të virgjër.

-         Nuk ka asnjë arsye për ta dhënë vajzën të re.

-         Ju bëj thirrje që të mos bëni shkuesi për martesa me anë të fotove apo me ndonjë njeri i cili nuk është shqiptar, kur ky i fundit nuk e di as gjuhën për të komunikuar me vajzën tuaj, e cila më pas pëson torturën, që mund të ketë ardhur si pasojë  e kësaj martesë mëkatare.

-         Kini kujdes me celularët e televizorin, mjetë të cilat mund të shkatërrojnë të rinjtë e sotëm, ose veshjet, psh. në verë. Liritë e tepërta na shkatërrojnë. Dhe si pasojë e këtyre mund të themi se më mirë ka qenë koha e komunizmit.

-         Kini kujdes nga pornografitë e ndryshme sepse kjo na nxit t’i bëjmë keq tjetrit.

Pasi mbaron me bisedën e tij kthehet nga populli për të mësuar në se ata kanë ndonjë pyetje dhe vazhdon:

Unë kam bërë një apel drejtuar qeverisë për zonat malore si Dukagjini i cili është shumë më i varfër se ju, por gjithsesi nuk ju kam harruar dhe juve për t’ju ardhur në ndihmë, sepse populli në mungesë të kushteve minimale mërgon.

Pas fjalës së Imzot Massafrës, besimtarët e të tre fshatrave kanë shprehur dëshirat dhe kërkesat e ndryshme, si një kopsht për fëmija në Hot, kurse kompjuteri dhe gjuhe të huaj etj.  Pas takimit me besimtarët edhe bërë vizita tek disa të sëmurë.

                                                                                                          Shqipja

 titujt kryesore

webmaster