150-VJETORI I KATEDRALES SË TIVARIT

Më 7 dhjetor 2008 në Kishën e kushtuar “Zojës së Papërlyer”, në Gretvë (Tivari i Vjetër) u kremtua Mesha solemne që përkujtonte 150 vjetorin e kësaj Katedraleje. Një përvjetor jubilar ky për Kishën e Zotit të pranishme në këtë dioqezë.

Për ta bashkëndarë gëzimin me Arqipeshkvin Imzot Zef Gashin, me famullitarin e Tivarit Don Nikson Shabanin, me meshtarët dhe me besimtarët e kësaj kryedioqeze, ishin të pranishëm edhe Imzot Angelo Massafra së bashku me disa meshtarë të tjerë nga dioqeza e Shkodrës. I pranishëm ishte edhe Atë Gazmend Tinaj, Ministri Provincial i Provincës Françeskane të Shqipërisë.

Pas Kremtimit Eukaristik u ofrua edhe një drekë vëllazërore në ambientet e pallatit të arqipeshkvisë në Tivar.

Zoti i shenjtëroftë dhe i shtoftë gjithnjë e më tepër Gurët e gjallë të Kishës së Hyjit në këtë dioqezë dhe Katedralja e tyre qoftë përherë arsye për ta falënderuar Hyjin, si edhe pikë bashkimi ndërmjet tyre, rreth ipeshkvit të vet.

titujt kryesore

webmaster