PËRVJETORI I PARË I RIKUSHTIMIT TË KATEDRALES

Më 12 janar 2009, dioqeza e Shkodrës përkujtoi përvjetorin e parë të rikushtimit të Katedrales së vet që i është kushtuar Shën Shtjefnit martir.

Ashtu si edhe vetë Shën Shtjefnit, kësaj ndërtese i është dashur të pësojë shumë. Prandaj - edhe pse ajo është e ndërtuar me gurë - bashkësia katolike e dioqezës e ka vërtet për zemër këtë ndërtesë.

Në radhë të parë arsyeja është vetë bashkimi kishtar që ajo shpreh, e pastaj edhe poshtërimi që kjo ndërtesë ka vuajtur ndër shekuj për shkak të egoizimit të atyre që s'e njohin Zotin, që s'e duam Atë dhe jo pak i përngjajnë atyre që e kryqëzuan atë.

Por gëzimi ynë në këtë përvjetor të parë të rishugurimit - pasi qe profanizuar nga diktatura komuniste - është edhe se kjo ndërtesë është bërë dëshmitare e fitores së Jezu Krishtit mbi mëkatin dhe mbi vdekjen, duke iu kthyer sërish liria e kremtimeve liturgjike, liria e kryerjes së funksionit të vërtetë që ajo ka: të mundësojë takimin e njerëzve me Zotin e gjallë.

Të gjitha këto të vërteta - si edhe falënderimin ndaj Kardinalit Franc Rodé, atij që bëri kushtimin e Katedrales - i shprehu gjatë homeli së vet Sh. T. Imzot Angelo Massafra, në Meshën solemne të orës 16. 00, të cilën e bashkëkremtuan edhe shumë meshtarë të tjerë e ku ishin të pranishëm mjaft besimtarë.

Data 12 janar është shpallur nga Arqipeshkvi ynë si festë për mbarë dioqezën, datë në të cilën përkujtohet kushtimi i kishës Katedrales, Kishës Nënë të mbarë dioqezës sonë.

titujt kryesore

webmaster