VARFËRIA KA NJË FYTYRË

TË SHPREHIM PËRMES PIKTURËS LUFTËN KUNDËR VARFËRISË

Ekspozita e pikturës “Varfëria ka një fytyrë”, u çel në ndërtesën e Këshillit të Europës,  në Strasburg të Francës, nga data 26 janar deri me 6 shkurt 2009, si dhe do të hapet në ndertesën e Konferencës Ipeshkvnore  të Francës në Paris mes datave 18 – 25 shkurt 2009.

Me rastin e dyzetvjetorit të nxjerrjes në dritë të së famshmes “Popolorum progressio” nga Papa Pali VI, në vitin 2007, tridhjete një komisionet e shteteve Europiane të Drejtesi dhe Paqe, vendosën të ndërmerrnin një aksion të përbashkët për të luftuar varfërinë.

Në kuadrin e “Objektivave të mijëvjeçarit” të Kombeve te bashkuara, nisma për luftën kundër varfërisë po merr vëmendje gjithnje e më të madhe. Fatkeqësisht, përvoja e viteve të fundit, ka treguar se kjo vemendje rrezikon vazhdimisht të kthehet në mospërfillje. Prandaj,janë vetë të varfërit që duhet të hapin sytë e të ndërgjegjësohen për padrejtësitë që po u bëhen.Për këtë vendosëm ta titullonim ekspozitën “Varfëria ka një fytyrë. Për të korrur sukses në betejën kundër varfërisë,duhet pa tjetër  të luftojmë krah për krah me të varfërit.

Aksioni i përbashkët i komisioneve “Drejtësi dhe Paqe” të shteteve europiane, ka për qëllim, të kthejë vëmendjen e opinionit publik nga gjendja alarmante e varfërisë në botë. Na duket absolutisht themelore,të ndërgjegjësojmë publikun për faktin se komuniteti botëror, nuk do t`a realizojë dot objektivin për zhdukjen e varfërisë që ishte parashikuar në 2015. Në sytë e të varfërve, ky do të ishte i pari premtim i thyer.

Për këto arsye,në vitin 2007, Asambleja e Përgjithshme e Komisioneve Drejtësi e Paqe të shteteve europiane, të vendosi të nxirrte një deklaratë mbi çështjen e varfërisë dhe tregtisë botërore. Së dyti, Komisionet vendosën që mbi këtë temë, të mbahej një ekspozitë arti,e cila u hap për vizitorët në ndërtesën e Këshillit të Europës në Starsburg nga data 26 janar deri me 6 shkurt 2009.Të njëjtat vepra do të ekspozohen edhe ndërtesën e Konferencës Ipeshkvnore të Francës në Paris nga data 18 deri me 25 shkurt. Kjo nismë ka për qëllim të hedhë dritë mbi problemin e tmerrshëm të varfërisë dhe ta vendosë atë në këndvështrime të ndryshme në mënyrë që të nxitet diskutimi i cili mund të na çojë drejt një zgjidhjeje.

Lufta kundër varfërisë në shkallë botërore,i bashkon në një trup të vetëm komisionet Drejtësi dhe Paqe që u përkasin vendeve të Europës lindore,qëndrore e perëndimore.Ata të marrë së bashku, me historinë dhe traditën e vendeve që përfaqësojnë,janë mishërim i larmisë kulturore të Europës.Ata janë gjithashtu prova më e prekshme e vullnetit të bashkimit të Europës si dhe të bashkimit të gjithë njerëzve me zemër të pastër që sipas frymës së Jezu Krishtit synojnë ta kthejnë botën në një vend më të mirë për të jetuar.

Luigj Mila

titujt kryesore

webmaster