VIZITA BARITORE NË TRUSH

Shkëlqesia e Tij, Imzot Angelo Massafra bëri vizitën e tij baritore në famullinë Shna Prendja-Trush nga 11 - 14 dhjetor 2008.

Hapja e vizitës baritore u bë më 11 dhjetor duke takuar të gjithë fëmijët e Famullisë. Fëmijët e pritën këtë ditë me gëzim të madh dhe, edhe pse koha ishte me shi, s'e pengoi pjesëmarrjen e tyre aktive duke filluar që nga mirëseardhja e deri me datën 14 me mbylljen e kësaj vizite.

Mirëseardhja iu dha Ipeshkvit tonë të dashur nga famullitari Don Ernest Troshani, pastaj vazhduan fëmijët që të shprehin mirëseardhjen me pritjen e tyre me flamuj në duar dhe me poezi, duke i dhuruar edhe nga një tufë lule. Gjatë takimit, Imzot Angelo Massafra që bëri me fëmijët, i bëri pjesëmarrës aktivë duke u bërë edhe disa pyetje dhe gjithnjë e më aktiv ishin kur arrini ta gjenin përgjigjen. Së bashku kënduan edhe ndonjë këngë të shoqëruar me gjeste, gjë që i bëri të ndiheshin mirë me të e jo si një person që u jep një doktrinë dhe mjaft, edhe pse ata pastaj me kënaqësi i pranonin edhe këshillat e Ipeshkvit që i porosiste të mbajnë një fe të gjallë dhe të bëhen gjithnjë e më të mirë, por porosia e madhe ishte që të marrin pjesë në Meshën e Shenjtë.

Pastaj me datën 12 dhjetor Arqipeshkvi bëri një takim edhe me Presidiumin e Legjionit të Marisë,  i cili e priti me shumë kënaqësi këtë ditë takimi me Bariun e Kishës dhe me kënaqësi pranuan edhe këshillat e tij ndërsa i nxiste që të ndihen aktivë dhe të luten për nevojat e ndryshme të Kishës. Kështu ata u ndien edhe më të vlerësuar për atë që janë.

Pas këtij takimi me një kujdes të veçantë Arqipeshkvi vizitoi edhe të sëmurët duke i takuar ata nëpër shtëpitë e tyre e një nder këta që takoi ishte edhe motra e martirit tonë të dashur Mark Çuni.

Në pasditen e datës 12, në orën 15.00 Imzot Massafra kremtoi Meshën e Shenjtë në Trush të Poshtëm ku theksoi shumë nevojën e pjesëmarrjes në Meshën e Shenjtë dhe zbatimin e 10 Urdhërimeve. Pas Meshës Shkëlqesia bëri një takim me të gjithë besimtarët duke theksuar shumë çështjet që kanë të bëjnë me familjen.

Me 13 dhjetor takoi të rinjtë e famullisë ku përsëri theksoi rëndësinë e ditës së Diel, rëndësinë dëshmimit të fesë së krishterë aty ku ndodhen dhe me kurajo i ftoi t'i marrin përsipër përgjegjësitë që na kërkon jeta jonë fetare, njerëzore dhe shoqërore.

Të Dielën me datën 14, në orën 10.30 kremtoi Meshën e Shenjtë, pas së cilës bëri një takim me të gjithë besimtarët. Edhe  vuri në dukje çështjet e përmendura në takimet e mëparshme.

Pasdite, në orën 15.00 u bë mbyllja e vizitës baritore të ipeshkvit, duke u prezantuar nga fëmijët dhe të rinjtë shkurtimisht shëmbëlltyrën e Mbjellësit. Pastaj u vazhdua me këngë dhe me poezi, duke shprehur kështu kënaqësinë dhe bukurinë e këtyre ditëve të kaluara së bashku.

Gjithashtu Arqipeshkvi përsëri mbajti një meditim të fortë rreth jetës së krishterë, duke porositur që të bëhemi përgjegjës për dëshmimin e fesë sonë.

Pasdite, në orën 15.00 u bë mbyllja e vizitës baritore të ipeshkvit, duke u prezantuar nga fëmijët dhe të rinjtë shkurtimisht shëmbëlltyrën e Mbjellësit. Pastaj u vazhdua me këngë dhe me poezi, duke shprehur kështu kënaqësinë dhe bukurinë e këtyre ditëve të kaluara së bashku.

Gjithashtu Arqipeshkvi përsëri mbajti një meditim të fortë rreth jetës së krishterë, duke porositur që të bëhemi përgjegjës për dëshmimin e fesë sonë.

Përfundoi duke falënderuar Don Emestin për punën e palodhshme që ai po bën në këtë famulli, por edhe për të mirën e shumë njerëzve të tjerë jashtë famullisë. Gjithashtu falënderoi edhe “Motrat Françeskane të Krishtit Mbret” për punën që ato bëjnë në mesin e këtij populli. Së fundi ai shprehu edhe kënaqësinë e vet për ditët e kaluara së bashku me besimtarët e kësaj famullie.

Famullitari Don Ernest Troshani mori fjalën duke falënderuar përzemërsisht Arqipeshkvin tonë për këto ditë kaq të mrekullueshme.

E falënderoi shumë për stimulimin dhe kurajon që na ka dhënë për sa i përket jetës sonë të krishterë. Faleminderit Shkëlqesi dhe të premtojmë lutjet tona.

Motrat Françeskane të Krishtit Mbret

titujt kryesore

webmaster