IMZOT ANGELO MASSAFRA NË SHALË-SHOSH-PULT

Ditët 20-24 gusht kanë qenë ditë të veçanta për vizitën e Ipeshkvit tonë Imzot Angelo Massafra bashkësive të krishtera të Dukagjinit dhe të Pultit. Duke i takuar këto bashkësi, Bariu ynë ka pranuar situata të ndryshme të vështirësive, por edhe shpresat dhe dëshirat e mira e këtij populli.

Vizita, me kremtimin e Meshës dhe me krezmime, ka interesuar fshatrat e Shalës dhe e Shoshit si: Thethi, Bregu i Lumit dhe Palaj me Atë Antonio Imperato, përgjegjësi baritor i tyre i cili ka qenë ndihmuar nga motrat Kapuçine të Zojës së Papërlyer të Lurdit që jetojnë në Obot . Pas fshatrat e Pultit: Plan, Kiri, Xhan e Prekali.

Gjatë Meshës së Shenjtë janë Kremtuar sakramente të ndryshme: Pagëzimi, Rrëfimi, Kungimi, Krezmimi dhe Martesa. Krezmimin e kanë marrë tri grupe adoleshentësh, të cilët duke hyrë në Kishë me qirinj të ndezur i kanë dhënë një solemnitet të veçantë kremtimit Eukaristik. Në predikim, duke u nisur nga pjesa e Ungjillit në të cilën Jezusi pyet apostujt e vet: “Kush mendojnë njerëzit se jam unë”, Ipeshkvi iu drejtua të rinjve duke i pyetur: “Për ju, kush është Jezusi? Çfarë njohjeje keni për Jezusin? Cilin vend  ka Fjala e Tij në jetën tuaj? Pastaj vazhdoi: Ju të rinj keni hyrë në kishë me qirinj të ndezur: çfarë domethënieje kanë ata? Sot Jezusi ju thotë: Ju jeni drita e botës, ju jeni sot dëshmitarët e mi. Gjatë periudhës komuniste të rinjtë e tjerë kanë e dëshmuar me gjak se i përkasin Krishtit dhe Kishës, tani kjo dëshmi ju takon juve”.

Në fund të çdo kremtimi Shkëlqesia u drejtohej prindërve me qartësi e me shembuj të shumtë, duke u bërë thirrje që të kremtojnë sakramentin e martesës sipas ligjit të Zotit, duke respektuar dëshirën e vajzave, pra me lirinë e tyre. I ftonte që të kenë kujdes moshën, që mos të jetë tepër e ndryshme mes të fejuarve dhe sidomos jo minorene. Ipeshkvi i ka porositur: “Mos e shitni fenë tuaj duke i martuar vajzat me këdo që prezantohet”. Vazhdoi duke u dhënë edhe këshilla të tjera për sa i përket jetës shpirtërore.

Në fund, si kujtim i kësaj vizite, në dy famulli, të rinjtë, në emër  të të gjithë popullit, i kanë ofruar Ipeshkvit një shqiponjë druri të gdhendur nga një i ri prej vendit, një kavanoz me mjaltë duke e shoqëruar me fjalët “Jeta juaj me Krishtin qoftë gjithmonë e ëmbël si dhurata e bletëve tona”. Jashtë kishave ka vazhduar dialogu dhe përshëndetja e ipeshkvit me popull, i cili ishte shumë i kënaqur dhe mirënjohës për  vizitën e Tij në emër të Zotit.

Edhe ne motrat, me shumë mirënjohje, e falënderojmë Shkëlqesinë për inkurajimin dhe vlerësimin që na ka treguar, si edhe për interesimin dhe kujdesin që vazhdimisht ai e tregon drejt popullit të Pultit.

I premtojmë lutjet tona dhe i kërkojmë që edhe Ai të na shoqërojë me bekimin dhe lutjet e veta për të marrë forcë prej Zotit në shërbimin tonë baritor në këtë zonë të dioqezës.

O Zot, ardhtë Mbretëria Jote!

Motrat Françeskane të Krishtit Mbret

titujt kryesore

webmaster