KUJTIMI I SË LUMES NËNË TEREZA

Më 5 shtator 2008 kemi kremtuar kujtimin liturgjik të së Lumes Nëna Tereze. Në përgatitje të kësaj date u paraqit për adhurim i Shenjtërueshmi Sakrament në kapelën e shtëpisë së Misionareve të Bamirësisë (që ne më fort pëlqejmë t'i thërrasim Motrat e Nënë Terezës) në Shkodër.

Me datën 5, në orën 18. 00 u kremtua Mesha e Shenjtë, të cilën e kryesoi Imzot Angjelo Massafra, në bashkëkremtim me Imzot Zef Simonin dhe tre meshtarë, ku të pranishme ishin vetë motrat e urdhrit në fjalë, motra të urdhrave të tjera dhe shumë besimtarë laikë. Në fillim të Meshës Imzot Massafra ftoi për t’u lutur për të krishterët e Indisë të cilët pësojnë sulme dhe vrasje, që të rikthehet bashkëjetesa e normale në mes njerëzve me besime të ndryshme.

Gjatë homelisë Shkëlqesia falënderoi Hyjin që na e ka dhuruar këtë Shenjtëreshë. Pastaj bëri një zbërthim të Ungjillit të ditës të cilin e gërshetoi me porositë që Nëna e Lume la sa qe gjallë.

Lec Zadeja 

titujt kryesore

webmaster