KUSHTET E PËRJETSHME NË RRAGAM

Me 8 shtator të këtij viti, me rastin e festës së lindjes së Zojës, në famullinë tonë ishte një festë e trefishtë për motrat Salvatoriane, sepse dy motrat tona - Motër Angje Preçi dhe Motër Margherita Banaj - bënë kushtet e përjetshme, dhe po në këtë ditë ishte përkujtimi i 90 - vjetorit të vdekjes së themeluesit tonë.

Mesha e Shenjtë u udhëhoq nga Shkëlqesia e tij Imzot Angelo Massafra në bashkëkremtim me famullitarin don Juan Franzisco e 5 meshtarë të tjerë, si edhe nga besimtarët e Rragamit të Sheldisë e të Nënshatit, si edhe nga të ftuarit dhe miqtë të motrave.

Në homelinë e tij Imzot Angelo Massafra theksoi bukurinë e jetës së kushtuar, besnikërinë dhe përgjegjësin që kjo ka. Më pas u vazhdua me kushtimin e përjetshëm Zotit për të qëndruar gjithmonë të pastra, të varfra dhe të dëgjueshme, kushte të cilat vetë Krishti i ka jetuar deri në vdekje. Në këtë moment motrat u pranuan si pjesëtare të familjes Salvatoriane nga eprorja provinciale.

Në fund të Meshës dy motrat u përshëndetën me një poezi të dedikuar pikërisht atyre.

Motrat Salvatoriane

titujt kryesore

webmaster