ME DON BOSKON PËRGJITHMONË

Ishte shumë e pritur dita e kushteve të përjetshme; jo vetëm për  ata që do të bënin kushtet, por edhe për besimtarët e shumtë, të rinjtë dhe fëmijët, sepse kishte vite që nuk ndodhte një gjë e tillë në bashkësinë tonë të Shkodrës. Mesha ishte në orën 17.30 dhe kisha ishte aq e mbushur sa nuk i zinte të gjithë besimtarët. 

Dy salezianët, Pavlini dhe Toma kanë bërë kushtet e para gjashtë vite më parë, në Shenjtëroren e Zojës së Këshillit të Mirë, e para pak ditësh në Kishën Shën Gjon Bosko, i kanë thënë “Po”-në e tyre përfundimtare Zotit, mes bijve të Don Boskos.  Tomë Mihaj ka lindur në Bogë më datën 25.03.1981 nga një familje shumë katolike, me  një fe të fortë që e ka ushqyer që në fëmijërinë e tij. Paulin Zefi ka lindur në Kallmet me datën 20.04.1983,  edhe ai nga një familje me traditë të qëndrueshme katolike. Gjatë një Meshe, një ditë para kushteve të përjetshme kanë pasur mundësi të bëjnë një dëshmi mbi thirrjen dhe jetën e tyre para besimtarëve dhe të rinjve të oratorit. Para Zotit në praninë e Don Guido Errico (Zëvendes i Ispektorit) dhe në praninë e Don Gino Martucci, drejtor i Qendrës Don Bosko, i cili udhëhoqi Meshën e Shenjtë, para bashkëvëllezërve, rregulltarëve të tjerë, meshtarëve dhe shumë besimtarëve, ia dhanë fjalën Zotit që do të jetojnë përgjithmonë të Dëgjueshëm të Varfër dhe të Pastër sipas Kushtetutave Saleziane.

Në fund të Meshës Toma në emër edhe të Paulinit bëri falënderimet ndaj Zotit, familjarëve, eprorëve, të gjithë të pranishmëve,  të gjithë atyre që kanë kontribuar që ai moment të jetë aq i bukur. Por festa nuk mbaroi vetëm me Meshën e Shenjte. Salezianët me të rinjtë e oratorit kishin organizuar një koktej dhe një mbrëmje muzikore me muzikë shkodrane dhe të pranishmit nuk ngurruan ta shprehin gëzi

Dom Bledari

titujt kryesore

webmaster