MOTRAT APOSTULLE

Me datë 14 gusht 2008 i gjithë Instituti ynë i Apostulleve të Zemrës së Shenjtë të Jezusit ishte në festë për Kushtimin e Përjetshëm të Motër Lula Kolës, Motër Vida Gjonit dhe motër Violeta Kolecit.

 Kremtoi Meshën Imzot Angelo Massafra. Motrat tona ia dhuruan gjithë vetveten Krishtit, Dhëndrit të tyre dhe Institutit duke u vënë në shërbimin e njerëzve, sikurse është në karizmin tonë, për Lavdinë dhe Dashurinë e Zemrës së Shenjtë të Jezusit si dhe për ndreqjen e vuajtjeve të mëdha që i bëhen Zemrës së Krishtit për shkak të mëkateve të shumta të njerëzve të sotëm. Ashtu siç e tha edhe ipeshkvi ynë gjatë predikimit, thirrja për të qenë motër nuk është meritë e njeriut por dhuratë që Zoti i jep vetëm disa njerëzve që Ai i pëlqen dhe i do plotësisht për veten e tij. 

Nënë Klelia Merloni (10.03.1861 - 21.11.1930), themeluesja e Institutit tonë shprehet kështu: “E lumja ti, o bijë e dashur, që, duke dëgjuar zërin e Hyjit, tejkalove çdo pengesë dhe iu kushtove Jezusit në jetën rregulltare; dhe e lumja ti, nëse, me ndihmën hyjnore, do të qëndrosh deri në fund”. (Nënë Klelia Merloni, Ant. Sp. 6.1).

Me ne ishte e pranishme edhe Nëna e Përgjithshme, e cila e pranoi kushtimin e motrave me gëzim të madh. Gëzimin tonë e shtoi edhe prania e shumë Meshtarëve dhe besimtarëve të cilët u bashkuan me ne për ta lavdëruar Zotin për dashurinë e tij të pafund që shfaqet në përgjigjen bujare të këtyre motrave.

                                                                                                          Motër Violeta Koleci

titujt kryesore

webmaster