RESPEKT PËR GRATË

Shumë të dashur/a, po ju përcjell një përvojë që do t'ju bëjë të mendoni shumë rreth temës së paqes.

Mbase e dini se kam angazhimin baritor të asistentit kishtar ndaj WUCWO (Bashkimi botëror i organizatave të grave katolike) që në botë janë shumë. Me një angazhim të tillë kam shkuar në Veronë për të marrë pjesë në Konferencën Evropiane mbi temën “T'i çlirojmë gratë nga tregtia”. Temë kjo e ilustruar nga gra me vlerë që merren me problemin. Për ta kompletuar kuadrin dramatik, Delegacionet e ndryshme nga çdo anë e Evropës, kanë zbuluar dhe ilustruar situatat: drama në zanafillën e tregtimit të grave (kryesisht Evropa e lindjes, Afrika, Amerika Latine) dhe në pikat e arritjes, domethënë në vendet perëndimore të mirëqenies. Zbulimi i përpiktë dhe i dokumentuar i dhunës shpërthen në dëm të grave viktima të kriminalitetit mashkullor por edhe femëror, na lë pa frymë. Dhunë fizike, morale, psikologjike, ekonomike. Gra të përdorura si karrem, apo të marra më forcë e pastaj të shitura e rishitura nga shfrytëzuesit dhe të destinuara për prostituimet për të turpshme, janë norma e sa e sa grave që ne çdo ditë i shohin në rrugët tona. Gra të terrorizuara nga dhunime të shëmtuara. Gra të mashtruara se mos gjejnë një punë në parajsën Evropë për t'ua shuar urinë fëmijëve të vet dhe që kanë kaluar muaj, madje edhe vite në shkretëtirë, si mall i kujtdo që ndërkohë mund të dëshironte të abuzonte me to. Këto janë ato gra të futura me grumbull në maunet që nisen për Lampeduzë, nganjëherë edhe shtatzëna, edhe më të sapolindur, të gjithë fryt i përdhunimit; ato gra që deti Mesdhe i mbulon si një varrezë. Për ato gra kemi dëgjuar, si edhe për qindra të tjera të zhytura në dhunë. Janë këto dëshmi të dhëna prej tyre dhe prej atyre që angazhohet në të mirën e tyre për t'i shpëtuar. Pikë e vogël uji në një det mizorie. A vetëm të qajmë? Do të ishte e rehatshme dhe nuk mjafton. Duhet reaguar me forcë. Duhet të lindë një qytetërim i respektit (pa mendoni për qytetërimin tonë të paqes). E atëherë, së bashku më ato gra që folën në Kuvend, unë ia përsëris vetvetes dhe të gjithë ju: Është koha që të reagojmë dhe të ndihmojmë. Edhe “klientët”, në të shumtën e rasteve të martuar, duhet ta frenojnë veten. Luhet në këtë mes vuajtje dhe dinjitet. Ftesave u duhet shtuar shtypja nëse ftesat nuk mjaftojnë. Kur të shihni gra të abuzuara, mendoni: po sikur të ishte nëna ime, ime motër, ime bijë? Ka fytyra të shkatërruara nga vuajtja. Ata fytyra janë përngjasim i Hyjit, i atij Hyji të cilin janë përpjekur ta mbulojnë. Ta zbulojmë sërish atë përngjasim. Le të bëjmë presion shoqëror dhe politik. Mos t'u japim paqe politikanëve për të pasur edhe një legjislacion të mirë në nivel evropian. E ndërkohë që ne po u themi këto gjëra, le të mendojmë për atë skllavërinë tjetër të fëmijëve të përdorur për seks apo për t'u vjedhur atyre organet; le të mendojmë për abortet e fetuseve të fëmijëve si në Kinë ku është e ndaluar të kihet më shumë se një fëmijë.

Ma bëni me dije nëse doni të angazhoheni. Duhet që ta bëjmë, për sa mundemi. E Zoti ju bekoftë.

Fr. GianMaria Polidoro

titujt kryesore

webmaster