AGORÁ I TË RINJVE PULJEZË

I ftuar nga Ipeshkvijtë e Pulies, Imzot Angelo Massafra, ka marrë pjesë në Brindisi, në mbarimin e AGORÁ-s të të rinjve puljezë më 8-9 gusht 2009, duke udhëhequr Meshën e së Dielës që do të mbyllte marshimin në krahinën e Puljes. Ipeshkvijtë e Puljes, të cilët kanë programuar dhe mbështetur nismën: APULIA 2009: një marshim midis disa qyteteve, duke nisur nga Bari për në Brindisi, duke kaluar nga Taranto, me 150 të rinj: duke medituar e duke dëshmuar fenë e tyre duke thirrur njerëz te Zoti.

“Agorà ka qenë një ecje kombëtare, e zhvilluar në tri vjet, nëpërmjet së cilës, Ipeshkvijtë italianë u kanë kushtuar një vëmendje të veçantë të rinjve”

Marshimi kishte si qëllim moton e shën Palit:”vrapoj për të fituar”…vrapoj për të fituar çmimin e jetës me Krishtin, i cili na jep domethënien e vërtetë për të qenë e për të jetuar.

Tema e së dielës ishte: “Jeta në Mesdhe: deti i miqësisë”. Në predikimin e tij, Imzot Massafra the se “në të kaluarën deti Mesdhe ka qenë vendi i luftës për të sulmuar të tjerët ose për të mbjetuar…por edhe vendi i pazarit dhe bashkëpunimit ose i shpëtimit për të mbrojtur jetën ose fenë. Deti mund të ndajë por edhe mund të bashkojë…Deti Mesdhe mund të jetë deti i miqësisë, duke respektuar normat kombëtare dhe ndërkombëtare, legalitetin…

Imzot Pietro Maria Fragnelli, Ipeshkëv i Kastelanetës dhe i Deleguari i Konferencës Ipeskvnore puljeze për baritorën rinore, mbylli Agorà-n me këto fjalë: “I dashur i ri, e dashur e re, të uroj që në rrugën e jetës, dita-ditës, të mund të zbulosh që Dikush të ka marrë seriozisht dhe në vështirësi të çon në krah, të çon në rrugën e të mirës. I ri puljez, të uroj që të takosh Atë që të jep domëthënien e jetës: Jezusin e Nazaretit, i cili, duke përshkuar rrugët e Palestinës, u bënte mirë të gjithëve…është Ai Rruga, e Vërteta dhe Jeta”.

titujt kryesore

webmaster