AKTIVITET VËRORE NË FAMULLINË E HOTIT

Edhe këtë vit u bashkuam në famullinë e Hotit, për të kaluar 2 javë në kampin e përvitshëm. Para organizimit të këtij kampi, së bashku me animatorët e Fermentimit, bëmë një javë përgatitjeje në Tropojë. Aty u bashkuam edhe me miqtë tanë të ardhur nga Italia e me të cilët organizuam shumë gjëra të bukura dhe mësuam më shumë se si të jemi animatorë të mirë për ta gjallëruar më shumë famulinë tonë.

Më pas u kthyem në Hot për të organizuar kampin veror me fëmijët e të rinjtë nën drejtimin e famullitarit dom Charbel bashkë me disa animatorë italianë, kontributi i të cilëve ishte shumë i dobishëm për ne. Ditët e kampit ishin të mbushura me lojëra e katekizëm. E falënderojmë dom Charbel dhe miqtë italianë të cilët na e japin mundësinë që të jetojmë dhe ta zhvillojmë jetën tonë së bashku duke e lavdëruar Hyjin për secilin prej nesh.

titujt kryesore

webmaster