FALËNDERIME PËR ATË MARIO BOSIO, DEHONIAN

Ditën e dielë, datë 27 shtator,  famullia e Boriçit ka pëshëndetur Atë Mario Bosio, famullitarin, I cili pas 16 viteve kthehet në Itali. Të gjithë,  duke falënderua zotin dhe Atë Mario janë përmalluar. Në fund Z. Nikolli bëri këtë përshëndetje:

“I nderuar Imzot  Angelo Massafra, prania Juaj na gëzon shumë. I dashur Atë Mario, në emër të të gjithë famullisë të përshendes dhe të uroj çdo të mirë.

Dua të falenderoj për punën e madhe që ke bërë për gjithë këtë zonë. Ke punuar për ndertimin e kishës dhe të të gjitha këtyre strukturave që i shohim përreth, falënderojmë Zotin që nëpërmjet teje dhe bujarisë së meshtarëve të Zemres së Krishtit. Ke ditur të presësh dhe përkëdhelish fëmijët që ndoshta shpesh edhe nuk e ke kuptuar por nga dashuria e zjarrtë për misionin që të është besuar,  i ke dhuruar buzëqeshjen. Të riun shpesh e ke pritur dhe e ke ndihmuar, të rriturit i ke dhenë kurajo. Të gjithë neve na ke dhuruar Fjalen e Jetës dhe Ushqimin e shpirtit.

Ke ditur të gjesh kohë për të sëmurin që të priste në shtratin e tij të vuajtjes, për të varfërin që ishte i pa streh.

Me urtinë që të është dhënë prej të Madhit Zot ke vendosur rregull në varrezat para Kishës për këtë banorët e Vrakës, nuk e besoj që do të harrojnë lehtë. Ke shërbyer për  16 vjet në zonën tonë, sa Mesha ke kremtuar në Rrjoll, Egç, Gruemirë, Boriç, Gril, Hotnaj, Grud – Fush, aq qofsh i bekuar.

Të gjithë ne të premtojmë se do të lutemi për ty; Zoti të dhashtë shendet dhe jetë”.

Nikollë Gjinaj

 titujt kryesore

webmaster