KAMPI “STELLA MARIS” VELIPOJË 2009

Një shërbim në Kishën e Shkodrës për atë që jeton një vështirësi personale, për familjet e tyre, për Institucionet publike dhe private, për vullnetarët shqiptarë dhe të huaj,

laikë dhe rregulltarë, që bashkëndajnë 15 ditë të kohës së tyre

me atë që ka vështirësi të pranohet në shoqërinë civile.

Kampi, që, qysh prej vitit 1995 zhvillohet çdo verë në pishnajën të Velipojës, vënë në dispozicion nga Ministria e Pyjeve dhe fort e dëshiruar nga Shumë i Nderuari Kryeministër Z. Sali Berisha, këtë vit ka mbushur vitin e katërmbëdhjetë, me një turn më shumë, atë nga data 15 deri më 29 qershor, me nënat dhe fëmijët me aftësi të kufizuara (vizituar dhe asistuar nga një doktoreshë neuropsikiatre infantile dhe dy infermiere, vullnetare që vijnë nga qendra socio-shëndetësore e krahinës Emilia - Romagna), pas të cilit kanë vijuar edhe tre turne të tjera deri më 16 gusht.

Në këto katër turne kanë qenë të pranishëm 174 fëmijë, 203 të rritur prej të cilëve 35 nëna dhe 168 vullnetarë: 138 shqiptarë, 20 spanjollë, 10 italianë, të gjithë të angazhuar në asistencën ndaj “personit”, në gjallërimin e grupeve dhe në shërbime të ndryshme (ruajtje e kampit, pastrim i mjedisit, mirëmbajtje, kuzhinë, mensë); gjithsej kemi qenë 377 vetë dhe çdo turn janë shpërndarë një mesatare prej 5.700 vaktesh, me një total prej 22.800 vaktesh për katër turne, falë dy vullnetareve shqiptare që kanë punuar 15 orë në ditë në kuzhinë. Fëmijët dhe adoleshentët që janë mikpritur, të gjithë me aftësi të kufizuara, na kanë sinjalizuar për në kamp nga organizata jo-fitimprurëse të Shkodrës (Motrat e Nënë Terezës, Shoqata Madonnina del Grappa), nga institucione Shtetërore, (Qendra e Zhvillimit dhe Shkolla Speciale), nga Familjet, nga Famullitë dhe nga Kongregatat Rregulltare të Dioqezës së Shkodrës; këto të fundit kanë pasur një rol të rëndësishëm në sensibilizimin jo vetëm për dërgimin e vullnetarëve, por edhe për familjet që kanë fëmijë me probleme.

Faleminderit të gjithëve: Vullnetarëve, Famullive, Kongregatave, Institucioneve Shtetërore, fëmijëve dhe adoleshentëve prej të cilëve kemi marrë diçka... dhe në fund, por shumë të rëndësishëm anëtarët mbështetës të Projektit Shpresa dhe Grupet Famullitare të Dioqezës së Sienës dhe të Grosetos (Itali); në veçanti Komitetin për Luftën kundër Urisë në Botë të Forlisë pa ndihmën e të cilit, kampi nuk do të kishte pasur as atë cilësi ushqimore të vlerësuar nga fëmijët dhe vullnetarët dhe Shkëlqesinë e Tij Imzot Franco Agostinelli, Ipeshkëv i Dioqezës së Grosetos, i cili ka bërë të mundur që Konferenca Ipeshkvnore Italiane të financojë një Projekt Formativ brenda të cilit janë mbajtur nga Loreta Tomaj dy kurse për vullnetarët pjesëmarrës në kampin e Velipojës, kurse që kanë ndikuar në cilësinë e veprimtarive të asistencës dhe të gjallërimit të kampit.

Një falënderim të veçantë ia drejtoj Shkëlqesisë së Tij Imzot Angelo Massafra, i cili jo vetëm e ka mbështetur programin e Shoqatës “Projekti Shpresa”, por e ka pasuruar në rolin e tij si President i Karitasit Dioqezan, me dhuratën e një shfaqjeje në përfundim të çdo turni (mbështetur ekonomikisht nga Karitasi Kombëtar Spanjoll), që jo vetëm i ka bërë të lumtur fëmijët dhe vullnetarët, por ka qenë një moment shumë i fortë sensibilizimi ndaj solidaritetit. Në fakt, të rinjtë dhe të rriturit e grupit Illiricum dhe të motrave Ravasco, nëpërmjet këngëve dhe valleve të tyre, kanë përçuar dashuri, hare dhe shpresë tek të rinjtë dhe fëmijët që jetojnë vështirësinë e të qenit me aftësi të kufizuara dhe tek nënat tyre, që jetojnë me shqetësimin e të ardhmes së fëmijëve të tyre.

Një falënderim të veçantë dëshiroj t'ia bëj Bashkësisë Famullitare të Paçramit (Pistull) dhe të Dajçit të Bregut të Bunës të cilat, si çdo vit, të sensibilizuara për një angazhim për “më të fundit” nga Motrat Stigmatine, jo vetëm kanë kontribuar me dhuratat e tyre në natyrë (zarzavate, fruta, djathë, vezë, vaj) për t'i bërë më pak të rënda shpenzimet e përditshme, por kanë dëshmuar atë “bashkëndarje” të kërkuar nga besimi i tyre katolik.

Këtë vit, për të parën herë, kemi pasur edhe asistencën fetare të Famullitarit të Velipojës Dom Vlash Palajt dhe të ndihmësit të tij Dom Dritan Ndocit, të cilët kanë garantuar kremtimin e Meshës së të dielës për katolikët e pranishëm në turne të ndryshme, edhe ata i falënderojmë dhe u jemi mirënjohës. Falënderojmë në mënyrë të veçantë Provaninë Hyjnore, që nëpërmjet shtigjeve të saj e ka bërë të mundur gjithë këtë vepër.

Silvana Vignali

titujt kryesore

webmaster