KAMPI VEROR GRUDË E RE

Këtë vit kampi veror në Grudë zgjati nga 27 qershor deri më 31 korrik. Kanë marrë pjesë rreth 15 animatorë nga Gruda dhe 17 Skaut nga Italia, Firenze.

Ditën e dielë, para se të fillonim kampin veror, ne animatorët e Grudës, bashkë me ata italianë kemi bërë një shëtitje në Velipojë ku veç argëtimit, si qëllim kryesor kishim që të njiheshim me animatorët që sapo kishin ardhur dhe të përgatitnim programin për ditën e parë.

Një ditë e kampit veror kishte përafërsisht një organizim të tillë: dita fillonte në orën 8 ose 8:30 dhe përfundonte në orën 11 ose 11:30, kjo në varësi të temperaturës, gjatë kësaj kohe fëmijët kanë marrë pjesë në lojra të ndryshme shumë argëtuese, por edhe janë angazhuar në aktivitete të ndryshme si, punë dore, vizatime etj.,

Fëmijët  kishin fatin që kishin afër disa të rinj të cilët ishin të gatshëm t’i jepnin edukim dhe ngohtësi. Uroj që fëmijët të jenë kënaqur dhe të kenë kaluar një kohë të bukur, para se të mbyllej dita, fëmijëve iu është ofruar edhe dreka, kuptohet një drekë e thjeshtë por me shumë dashuri, në fund të çdo dite animatorët janë mbledhur dhe kanë organizuar ditën në vazhdim.

Ditën e fundit, është  organizuar një aktivitet me kërcime, recitime, lojëra dhe drama.

Gjatë kësaj periudhe ne kemi arritur të njohim 17 të rinjë nga një vend i huaj. Shpesh jemi mbledhur bashkë dhe bisedonim, i bënim pyetje në mënyrë që të njihnim më shumë gjëra nga kultura e tyre, por edhe ata kishin një interes të veçantë në njohjen e vendin tonë, kulturës sonë, donin të dinin mbi organizimin e dasmave, mbi mënyrën e të jetuarit të shqiptarëve, donin të dinin për emigrantët, për vështirësitë e tyre, pra ata donin të njihnin më nga afër Shqipërinë dhe realitetin e saj.

Falënderojmë animatorët shqiptarë për gatishmërinë e tyre, më pas motrat, veçanërisht motër Anetën për ndihmën e saj, për lutjet, por edhe për darkën, dhe së fundi, por jo të fundit, duam  të falenderojmë në mënyrë shumë të përzemërt, personin që po punon me shumë dëshirë për komunitetin tonë, Atë Giovanni Colombi, famullitari, i cili  po organizon kurse të gjuhëve të huaja, kompjuteri e shumë gjëra të tjera, po organizon kampe për fëmijët dhe për të rinjtë e Grudës, faleminderit nga zemra…

Kronisti

titujt kryesore

webmaster