SHUGUROHET MESHTAR ATË GEOFFREY BUGEJA O.P.

Më 5 shtator vëlla Geoffrey Bugeja, dominikan, është shuguruar prift nga Imzot George Frendo O.P. në Kishën e shën Dominikut në Durrës.

Vëlla Geoffrey ka lindur në Maltë në vitin 1979, dhe u pranua në Urdhrin Dominikan kur ishte 18 vjeç. Pas dy vitesh, në 1999, erdhi në Shqipëri dhe u bashkua me vëllezërit dominikanë që banonin në Sukth. Më vonë vazhdoi studimet e filozofisë në Seminarin ndër-dioqezan të Shkodrës, ndërsa teologjinë e vazhdoi tek dominikanët në Bolonjë, Itali. Pasi mbaroi me sukses studimet e tij, u pranua të shugurohej prift.

Në fjalimin e tij, Imzot Frendo tha se shugurimi priftëror është një metamorfozë në jetën e atij që shugurohet prift. Është fillimi i një aventure të re dhe të bukur, një aventurë dashurie e aftë për ta shndërruar shoqërinë duke e bërë Krishtin të pranishëm në një botë që nuk mund të ndërtohet pa të përveç për shkatërrimin e vet.

Por prifti as mund ta përjetojë këtë aventurë pa fe të ujitur me lutje.

 titujt kryesore

webmaster