Shkodër, 11.02.2007

  LE T’I NGUSHËLLOJË MARIA, NËNA JONË, TË GJITHË TË SËMURËT

Më datë 11 shkurt, në ditën botërore të të sëmurve, edhe famullia jonë bashkoi në Meshën e Shenjtë, që është forca e vetme për të përballuar çdo vuajtje, të gjithë të sëmurët që së bashku me ta të vetdijsohet për kontributin e madhe që jep çdo i krishter, sidomos ata që vuajnë, për të plotësuar ato vuajteje që i mungojnë trupit mistik të Krishtit, Kishës.

Pas një organizimi efikas nga famullitari i Katedrales, Dom Gjovalin Sukaj në bashkëpunim me rregulltaret e famullisë, të sëmurët u sollën në Katedralen e Shën Shtjefnit.

Në orën 16.00 filloi Mesha e udhëhequr nga Arqipeshkëvi Shkodër- Pult, Mons. Angelo Massafra. Në homili, me rastin e festës, Arqipeshkvi duke komentuar edhe letrën e Papës Benediktit të XVI shprehi kujdesin e tij të veçantë për të gjithë të sëmurët. Ai, gjithashtu, nuk la pa përmendur dhe falenderuar secilin person që i kushton rëndësi dhe kujdes të sëmurve, sepse ky kontribut është një gjest mëshire, e cila na mundëson të dalim nga vetvetja dhe të shkojmë në drejtim të tjetrit, që është në nevojë. Mesha e Shenjtë ishte shumë e vëçantë sepse një pjesë e madhe e të sëmurve u aktivizuan me anë të leximit të Fjalës së Zotit, Lutjeve të besmtarëve dhe lutjeve të ndryshme nëpërmjet të cilave ata shprehën braktisjen e tyre në duart e Atit Qiellor, dhe për dhurata, së bashku me kryqet e tyre të përditëshme ata sollën edhe punë kreative, të cilat arrijnë t’i realizojnë në aktivitetet e ndryshme.

Para bekimit solemn vijoi procesioni me të Shenjtërueshmin Sakrament i shoqëruar nga  të sëmurët me qirinj në dorë si dëshmi se Jezusi jep shpresën e cila të aftëson të ndjekësh Krishtin jo vetëm të Vuajtur e të Vdekur, por edhe të Ringjallur.

Përjetimet e këtij takimi ishin aq të forta dhe mbreslënëse saqe të sëmuret shprehën dëshirën që një takim i tillë të përsëritet disa herë në vit. Pas Meshës së Shenjtë, të mbushur me gëzimin Hyjnor të sëmurët i shoqëruam në shtëpitë e tyre.

Motër Antoneta Demaj, Vinçenciane

titujt kryesore

webmaster