VIZITA BARITORE NË HOT TË RI PREJ DATËS

Me datën 11.03. ditën e dielë në orën 10ºº u bë pritja solemne me rastin  e “Vizitës Baritore të Argjipeshkëvit tonë të nderuar të Shkodrës, mons. Angelo Massafrës”, në hyrje të rrugicës që shpie tek kisha. Si shenjë simboli dy fëmijë i ofruan bukë dhe verë. Pastaj vazhdoi proçesioni, gjatë të cilit u kënduan këngë të rastit dhe vazhduam me hyrjen në kishë. Në fillim një besimtar i fshatit i drejtoi përshëndetje argjipeshkëvit në emër të besimtarëve, pastaj atë Luigji Cannato, vinçencian bëri përshëndetjen dhe shprehi kënaqësinë e madhe për bariun e grigjës që Krishti ia ka besuar, duke i dëshiruar mirëseardhjen e përzemërt argjipeshkëvit.

Në fjalën përshëndetëse të ipeshkëvit u vlerësua pritja e përzemërt dhe nevoja e bashkëpunimit të ndërsjelltë e besimtarëve dhe përgjegjësve të kishës në këtë vend.

Pas kësaj hyrjeje të rinjët e famullisë së Hotit të Ri paraqitën një shfaqje me titullin: ``Katër qirinjtë ``të cilët e ekzekutuan shumë bukur. Pastaj vazhdoi kremtimi i meshës së shenjte ku argjipeshkëvi ynë mbajti një predikim mjaft të bukur mbi jetën shpirtërore dhe atë morale. Ai paraqiti dukuritë negative të shfaqura në ditët e lirisë, siç janë analfabetizmi dhe martesat e paligjshme. Argjipeshkëvi bëri një thirrje për vetëdijësim të ndërgjegjshëm në ndërtimin e një ardhmërie të sigurtë. Këtë gjë ai e theksoi edhe në takimin që e mbajti pas meshës me besimtarët.

Në këtë ditë në orën 15³º  argjipeshkëvi pati takimin edhe me “Legjionin e Maris”, pastaj në orën 16 ³º uvazhdoi edhe takimi me të rinjët e famullisë. Takimi filloi me një përshëndetje të ngrohtë, të përgatitur nga vetë të rinjët që ia drejtuan argjipeshkëvit. Argjipeshkëvi u bëri nxitje të rinjëve dhe kërkoi prej tyre që të jenë të ndërgjegjshëm në lidhje me marrjen e përgjegjësive që u takojnë. Në pyetjen e tij se:” çka është ndërgjegja?” Ai bëri të qartë se ajo është pra: “Zëri i Zotit” që në çdo situatë kumbon në brendësi të njeriut, për të mirën të lavdëron, ndërsa për të keqen e bërë të qorton.

Pas këtij debati të vrullshëm të rinjët i shfaqen edhe kërkesat e tyre, ata kërkuan që të kenë një famullitar të përhershëm. Në këtë kërkesë argjipeshkëvi përgjigji me këto fjalë:” Se akoma nuk ka meshtarë të mjaftueshëm në Dioçezën e Shkodrës që tu përgjigjen kërkesave të tyre.`` Me këtë rast ata i shprehën falenderimin e tyre atë Luigjit për punën e tij të palodhshme që është duke e bërë në famullin e Hotit të Ri. Me 12.03. ditën e hënë Argjipeshkëvi vazhdoi vizitën e tij baritore në shkollën 9 vjeçare të fshatit tonë, pastaj në orën 11³º vazhdoi vizitën në Kopshtin e fëmijëve “Nëna Franciska”tek Motrat Françeskane të Zojës së Papërlyer. Ai u mbajti një takim të veçantë prindërve të fëmijëve, i cili u drejtoi atyre disa fjalë duke i kushtuar rëndësi të veçantë “ROLIT TË PRINDËRVE NË EDUKIMIN E FËMIJËVE SI DHE SAKRIFICËN E PRINDËRVE PËR FËMIJTË E TYRE. ARGJIPESHKËVI, SI SHEMBULL THEMELOR MORI FAMILJEN E SHENJTË. Fëmijët e  kopshtit i drejtuan argjipeshkëvit përshëndetjen e tyre të përzemërt dhe në shenjë falenderimi dhe mirëseardhjeje paraqitën programin e tyre me recitime, këngë dhe valle të ndryshme. Ndërsa pasdite në orën 16ºº pati edhe takimin me intelektualët  e Hotit të Ri. Ku morën pjesë intelektual të fushave të ndryshme si: drejtori i shkollës fillore, mësues e mësuese dhe arsimtar të ndryshëm, infermierë, farmacistë, si dhe famullitari atë Luigji Cannato se bashku me 4 motra Françeskane të Zojës së Papërlyer.

Në ligjëratën e tij, shkelqësia e tij mons. Angelo Massafra mbajti një fjalim mjaft të rëndësishëm dhe të përgjithshëm, përsa i përket drejtimeve të ndryshme fetare, kulturore dhe sociale. Argjipeshkëvi synonte të nxisë përmirësimin dhe përparimin e përgjithshëm të gjendjes egzistuese të fshatit në përgjithësi.

Ndër të tjerash ai i kushtoi rëndësi të madhe Dokumentit të Kishës, Enciklikës së Papës Palit VI:”Populorum Progressio – Zhvillimi i Popujve”. Argjipeshkëvi informoi se, në Dioqezën tonë të Shkodrës akoma është duke u bërë paraqitja e kësaj Enciklike dhe u bëri thirrje intelektualëve të fshatit të interesohen dhe të informohen në lidhje me këto formime të cilat i bën Kisha. Ai bëri të ditur se, sivjet kremtojmë 40 vjetorin e kësaj Enciklike dhe shtoi se, Papa Pali VI ka thënë se: ``Kisha ka të drejtë dhe asaj i takon të hyjë edhe në çështjet shoqërore dhe kulturore, si dhe të nxisë përmirësimin dhe përparimin e popujve.``

Argjipeshkëvi theksoi se, në Kishën Katolike gjatë shekujve kemi pasur besimtar shekullar, ata kanë kuptuar gjatë shekujve rolin e tyre në Kishë. Në vitin 1950 ne kemi arritur që të kemi një Kishë Klerikale, ku çdo gjë bënin priftërinjtë dhe murgeshat. Papa Pali VI i cili shkroi ENCIKLIKËN POPULORUM

PROGRESSIO bëri thirrje për të dhënë atë që është e drejtë, thërret të rinjët që të pranojnë këtë thirrje me një hov të jashtëzakonshëm me zjarr dhe bujari të madhe: “SHKONI EDHE JU NË VRESHTËN TIME”. – Argjipeshkëvi ua bëri të qartë intelektualëve se në cilat sektore të Kishës mund të bashkëpunojnë ata për mirëmbajtjen e Kishës, mënyra e veçantë është mënyra e Pagëzimit. Ai u drejtoi atyre këto fjalë:” Ju, si besimtarë shekullarë mund të bashkëpunoni me meshtarët në mirëmbajtjen e famullisë, në udhëheqjen e liturgjisë, katekizmit dhe në caritas. Pa këto shtylla nuk mund të ndërtohet një Kishë. Intelektualët mund të kenë një rol të veçantë qoftë në fshat, apo në rrethin më të gjerë, në komunë/bashki, mund ti kemi disa gjëra dhe pasuri shpirtërore dhe kulturore në Kishën tonë. Ne tani mund të pasurohemi me ato njohuri fetare, të cilat nuk i kemi pasur në kohën e Komunizmit, të njihemi me Historinë e Kishës Katolike, pastaj me Historinë e Ungjillizimit, e shumë e shumë pikëpamje të tjera që janë të nevojshme për një jetë të krishterë sa më të denjë e cila do të shpie drejt rrugës së përparimit dhe zhvillimit.”

Pas ligjëratës të cilën argjipeshkëvi ua mbajti intelektualëve, drejtori i shkollës fillore të Hotit të Ri, si dhe anëtarët e tjerë të grupit të intelektualëve së bashku me atë Luigjin përzemërsisht falenderuan argjipeshkëvin mons. Angjelo Massafrën, për vizitën e tij baritore në fshatin tonë, në mënyrë të veçantë falenderuan argjipeshkëvin për kujdesin e tij atërorë që kishte ndaj të gjithëve si dhe për  bisedën e tij shumë të ngrohtë.   

Me datën 13.03. ditën e martë në orën 9ºº, Argjipeshkëvi vizitoi edhe disa të sëmurë të fshatit tonë, pastaj në orën 15ºº Argjipeshkëvi bëri takimin me fëmijët e katekizmit, ishte ky një takim shumë i përzemërt si nga ana e argjipeshkëvit ashtu edhe nga ana e fëmijëve, të cilët shprehnin gjallërinë e tyre duke treguar dashamirësinë ndaj Bariut të Kishës. Në fillim fëmijët i bënë përshëndetjen ipeshkëvit duke i dëshiruar atij mirëseardhjen e përzemërt në mesin e tyre me këngën: “Alabare o mi Signor”. Fëmijët kishin pregaditur disa recitime të cilat ia kushtuan Hyjit, Krijuesit të mbarë njerëzimit. Pastaj kënduan edhe këngën:”Hyji ka nevojë për ne...”, dhe nga kjo këngë u zhvillua edhe biseda e ipeshkëvit me fëmijët, ata i bënin pyetje ipeshkëvit lidhur me katekizmin dhe rreth jetës së sotme, ndërsa argjipeshkëvi u përgjigjej pyetjeve të tyre dhe gjithnjë përsëriste fjalët e këngës: “Hyji ka nevojë për ne, ashtu sikurse ne kemi nevojë për Hyjin!” Takimi me fëmijët zgjati rreth një orë, me këtë ne mund të kuptojmë se qëndrimi i ipeshkëvit ndaj fëmijëve është ngjajshëm me atë të Jezusit, siç e dijmë edhe nga Ungjilli i shenjtë kur thotë Jezusi:”Leni fëmijët të vijnë tek unë!...” Pastaj kjo ditë e vizitës përfundoi me Meshën shenjte, ku gjatë pretkut të tij, ipeshkëvi u drejtoi fjalë lavdëruese të gjithë bashkëpunëtorëve të kishës dhe shprehu mirënjohjen e tij për punën e bërë në ndërtimin e kishës si objekt, si dhe falenderoi për mikpritjen e përzemërt që i bënë të gjithë besimtarët e Hotit të Ri dhe i porositi që të vazhdojnë drejt një të ardhme me paqe dhe dashuri. – Në këtë ditë argjipeshkëvi ynë përfundoi vizitën baritore tek ne, për të cilën në mbarim të Meshës shenjte, në emër të mbarë famullisë së Hotit të Ri, famullitari ynë atë Luigji Cannato e falenderoi argjipeshkëvin që qëndroi me ne gjatë këtyre ditëve duke na përcjellur me kujdesin e tij atëror.

Motrat Françeskane të Zojës së Papërlyer

titujt kryesore

webmaster