Dita Boterore e Rinise

Më datë 27 mars 2010 kemi kremtuar ditën botërore të rinisë. Në Arqidioqezinë Shkodër-Pult e kemi kremtuar në 4 Zonat Baritore. Secili Vikar Zonal me përgjegjësit baritorë kanë programuar ditën me prezantimin e mesazhit të Papës, me temë: Mësues i mirë, çfarë duhet të bëj për të fituar jetën e pasosur?” (Mk 10,17).

Grupet u takuan sipas Zonave baritore: Zona 1 në Shkodër tek Motrat Saleziane; Zona 2, në Berdicë; Zona 3, në Boriç (Vrakë) dhe Zona 4 në Stajkë. Të gjithë kanë pasur këtë program: Prezantimi i grupëve, meditimi mbi mesazhin e Papës, rrëfime, Mesha e Shenjtë, këngë, dreka, lojra, vallëzime, dramë etj.

Imzot Angelo Massafra, Arqipeshkvi, kaloi nga çdo grup, duke përshëndetur të gjithë, duke falënderuar organizatorët dhe duke lënë disa porosi, të frymëzuara nga mesazhi i Papës. Të rinjtë duhet të kenë një dëshirë të madhe për të qenë më të përsosur, më të shenjtë, më të angazhuar, duke luftuar mediokritetin. Të dëshmojnë fenë me fjalë dhe me vepra. Të jetojnë jetën si thirrje: qoftë për jetën martesore qoftë për jetën si meshtar o si motra o si misionar/e. Imzot Massafra i bekoi duke i uruar festat e Javës së madhe.

titujt kryesore

webmaster