Kremtohet Udha e Kryqit ne malin Tarabosh

Të shtunën, dt. 20 mars 2010, u kremtua Udha e Kryqit në Malin Tarabosh. Kjo përshpirtëri është një iniciativë e grupit të rinisë katolike “Mësues Ku Banon” i Famullisë së Shën Shtjefnit, Shkodër. Çdo vit të rinj nga e gjithë dioqeza bashkohen dhe përkujtojnë mundimet dhe vuajtjet e Krishtit. Të rinjtë mbajnë kryqin dhe në lutje e fiksojnë shikimin e tyre tek po ai simbol që i solli botës shpëtimin. Udhën e kryqit si çdo vit e udhëhoqi dom Gjovalin Sukaj, i cili edhe i ftoi të rinjtë që të zbulonin bukurinë e Krishtit, bukuri kjo që përfshin jetën dhe na bën të aftë të dhurohemi.

Edhe pse të shumtë në numër rinia e përjetoi me shumë kujdes Udhën e Kryqit. Në këtë përshpirtëri u lut sidomos për thirrjet meshtarake dhe rregulltare, për shenjtërinë e ipeshkvit dhe të gjithë meshtarëve.

 titujt kryesore

webmaster