Nene Tereza - 100 vjetori i lindjes

URIA E NËNË TEREZËS PËR HYJIN

 Nënë Tereza, e cila e zbuloi Jezusin në bukën dhe verën e Eukaristisë dhe në paraqitjen e dhimbshme të të varfërve, na fton qe edhe ne të bëjmë të njëjtën gjë.

Një ditë Nënë Tereza mori një grua nga rrugët e Kalkutës. Trupi i saj ishte plot plagë të hapura të mbushura me çimka. Nënë Tereza e lau me durim, e pastroi dhe ia lidhi plagët. Gruaja bërtiste gjithë kohës me fyerje dhe kërcënime. Nënë Tereza vetëm buzëqeshte.

Më në fund, gruaja hungëroi, “Motër, përse e bën këtë? Askush nuk sillet si ju. Kush ju ka mësuar?”

Ajo thjesht u përgjigj, “Zoti im më ka mësuar.” Kur gruaja e pyeti se kush ishte ky zot, Nënë Tereza e puthi në ballë dhe i tha: “Ti e njeh Zotin tim. Zoti im quhet dashuri.”

Kjo ishte një e vërtetë e thjeshtë të cilën e jetonte  Nënë Tereza. Ishte një fe e ushqyer dhe e ripërtërirë çdo ditë në Eukaristi. “Mesha është një ushqim shpirtëror që më forcon – pa të nuk do të kaloja një ditë apo një orë të vetme në jetën time”, thoshte ajo.

Eukaristia ishte thelbi shpirtëror që e bashkonte jetën e saj mistike të lutjes me pëshpirtërinë e saj të përditshme për të varfrit dhe të dëbuarit. Vizitorët në shtëpinë e saj për të sëmurët në prag të vdekjes në Kalkutë shpesh çuditeshin që ndalesa e tyre e parë ishte kapela eukaristike. Jezusi, do t'u tregonte ajo, ishte “Zotëria i shtëpisë” – dhe prania e tij ishte arsyeja e punës së saj.

Ky ishte një nga mësimet e saj më të rëndësishme – që ne, ashtu si të krishterët e parë, shohim lidhjen e fshehtë mes pranisë së Krishtit nën paraqitjen e bukës dhe verës dhe pranisë së tij në të varfër. “Në Meshë e kemi Jezusin në praninë e bukës, ndërsa në lagjet e varfra e shohim dhe e prekim Krishtin në trupat e thyer, në fëmijët e braktisur,” thoshte ajo.

Vetëdija e thellë e saj për këtë “prani të dyfishtë” të Krishtit u njoh nga Papa Gjon Pali II më 19 tetor 2003, kur ai shpalli atë E Lumja Terezë e Kalkutës para një turme prej 3000 000 vetash të mbledhur në sheshin e Shën Pjetrit.

Procesi që çoi në lumturimin e saj na ka ndihmuar që të shohim se pse Eukaristia ishte në qendër të punës së saj që në fillim.

  titujt kryesore

webmaster