Nevojat edukative - Formimi i mesuesve

“Nevojat edukative - Formimi I mësuesve”: është tema e një seminari për mësuesit e kopshtit dhe të 9-vjeçares e cila u zhvillua nga data 5-6 shkurt 2010 pranë Seminarit ndërdioqesan në Shkodër. 

Iniciativa e këtij seminari ka qenë propozuar dhe nxitur  nga Lumsa (Libera Università Maria Assunta) me rastin e 70 vjetorit te themelimit të saj dhe e realizuar në bashkëpunim me komisionin shtetëror të shkollës katolike. Para disa viteve ky Universitet me një frymëzim të fortë katolik kishte manifestuar ndjeshmëri dhe miqësi përballë shkollave katolike në Shqipëri duke organizuar kështu azhurnime për mësues. Kanë marrë pjesë më shumë se 120 mësues të ardhur mbi të gjitha nga shkolla të dioqezës Shkodër-Pult dhe të Lezhës dhe përfaqësues nga dioqeza e Tiranë-Durrës. Seminari ka zhvilluar temat e mëposhtme:

Edukimi si humanizëm. Problemet edukative në dritën e këndvështrimit të krishterë Sfidat e edukimit në modernizmin e vonë. Relacionet didaktike

Formim për një “governante transfrontaliera” përmes ndërhyrjeve të shkëlqyera dhe kualifikuese të docentëve të Lumsa: Prof.sa Carmela Di Agresti, Prof. Raniero Regni, Prof. Italo Fiorin, Prof. Andrea Ciampani.

Edhe puna e bërë në grupe mes mësuesve ka qenë moment i rëndësishëm për një shkëmbim dhe ballafaqim mbi këto tema aktuale e urgjente të Nevojës edukative që jemi duke jetuar në forma të ndryshme, edhe këtu në Shqipëri. Të gjithë pjesëmarrësit kanë vlerësuar rëndësinë e këtij seminari dhe kanë shprehur dëshirën për të vazhduar më tej këtë ecje për ti dhënë një cilësi edukative shkollave tona në shoqëri.

Mt Karla Meschini FMA

titujt kryesore

webmaster