Takimi i Legjionareve te Marise

Në prag të festës së Zojës Nunciatë, me datën 13 mars 2010, Legjionarë të Marisë, pjesëmarrës nga të gjitha famullitë e Dioqezës së Sapës, zhvilluan një ditë takimi dhe lutjeje në nder e lavd të Zojës. Në Katedralen e Lumja Nënë Tereza në Vau-Dejës Imzot Avgustini kremtoi Eukaristinë, dhe ftoi të gjithë legjionarët që nëpërmjet Zojës, Nënës sonë të mund të gjejmë bukurinë dhe madhështinë që Zoti na ka dhuruar dhe të përjetojmë lumturinë në të cilën secili prej nesh është i thirrur të marrë pjesë. Gjatë këtij kremtimi, në fjalën e rastit Imzot Lucjani u ndal në rolin dhe rëndësinë e Zojës nënë. Që të flasësh për të nuk mjafton kurrë, tha ai, sepse asnjë krijesë nuk është më e bukur se Virgjëra Mari; asnjë krijesë nuk i ka kënduar jetës më mirë se Virgjëra Mari; asnjë krijesë nuk është më e lumtur  dhe nuk nderohet e lutet si Virgjëra Mari. Është kjo virgjër, e cila nëpërmjet lajmit të Engjëllit pranoi në zemër dhe në trup Fjalën e Zotit dhe i solli botës Jetën dhe pranohet e nderohet si Nëna e vërtetë e Hyjit dhe Shëlbuesit.

Më pas të gjithë legjionarët bënë ribetimin sipas formulës që paraqet manuali i legjionit të Marisë, duke i premtuar Zojës se do të jenë gjithnjë afër saj nëpërmjet përvujtërisë, lutjes dhe përshpirtërisë në mënyrë që të përputhet jeta jonë me atë të Krishtit.

Violeta Marashi

titujt kryesore

webmaster