ÇMIMI “LUCERNA 2007”

Me datën 16 maj 2008, në orën 18. 00, “Comunità l'Incontro” e Kastelanetës (Itali) organizoi takimin “Çmimi Llambë vaji 2007” me koordinator Z. Walter Baldacconi. Ky takim u zhvillua pranë qendrës baritore “Lumen Gentium” të Kastelanetës. Në hapjen e këtij takimi përshëndeti Av. Italo D'Alessandro, Kryetar i Bashkisë së Kastelanetas. Pastaj u vijua me ligjëratën e mbajtur nga një përfaqësues i “Comunità l'Incontro”.

Pastaj u vazhdua me dhënien e çmimit “Llambë vaji 2007” i cili iu dha Motër Gjelina Nikolli (Motrat Vizionare të Zemrës së Shenjtë); Motër M. Gaetana Triggiani (Motrat e Dashurisë së Zojës së Papërlyer nga Ivrea); Motër Patriek (Motrat Vizionare të Bamirësisë, themeluar nga e Lumja Nënë Tereza e Kalkutës); Motër Luigina Santoro (Motrat Apostulle të Zemrës së Shenjtë). Një çmim i tillë iu dha edhe Z. Prof. Tritan Shehu, President i Komisionit Parlamentar i “Çështjeve Sociale, të Punës dhe të Shëndetësisë”, i Parlamentit të Shqipërisë.

Pastaj u vazhdua me ndërhyrje të tjera siç ishin ajo e Z. Genc Pollo, Ministër i Arsimit dhe Kërkimit shkencor të Qeverisë shqiptare. Pas tij u vazhdua me ligjëratën e Sh. T. Imzot Angelo Massafra, Arqipeshkëv Metropolit i Shkodër-Pult, për të përfunduar me përshëndetjen e Sh. T. Imzot Pietro Maria Fragnelli, ipeshkëv i dioqezës së Kastelanetës.

titujt kryesore

webmaster