DITA XLV BOTËRORE E THIRRJEVE

Ditën e premte më 11 prill 2008, ora 17.00, është organizuar në Katedralen e Shkodrës një vigjilje lutjeje me rastin e ditës XLV botërore të Thirrjes. Lutja është udhëhequr nga Imzot Angelo Massafra, Arqipeshkëv Metropolit i Shkodër-Pult, i shoqëruar edhe nga dom Gjovalin Simoni, përgjegjës për thirrjet. Ishin të pranishëm shumë të rinj pothuajse nga të gjitha famullitë e dioqezës sonë.

Vihej re qartë dëshira e të rinjve për të bashkëpunuar me planin e Zotit dhe për t'iu përgjigjur Atij “Ja ku jam o Zot  në rrugën që Ti po më thërret”.

Në homelinë e mbajtur me këtë rast Imzot Angelo Massafra theksoi se vetëm kur në familjet tona me anë të lutjes dhe të shembullit të martirëve tanë do të ndizet dëshira për t'i shërbyer Zotit, atëherë do të kemi vajza e djem të gatshëm e të mbështetur nga familja për t'iu përgjigjur “Po” Zotit.

Duke qenë të sigurt se Zoti do t'i dhurojë gjithmonë Kishës së vet barinj sipas zemrës së Tij, le ta lusim Atë që sa më shumë të rinj e të reja t'ia hapin zemrën Atij që është Udha, e Vërteta dhe Jeta.

Dom Gjovalin Simoni

titujt kryesore

webmaster