FALËNDERIMI I SH. T. ANGELO MASSAFRA

NË PËRFUNDIMIN E SEMINARIT STUDIMOR

Jemi në mbarim të Kohës Jubilare me rastin e 150-vjetorit të bekimit të gurit të parë të këtij tempulli të Zotit, kushtuar Shën Shtjefnit Protomartir.

Falënderoj Dom Gjovalin Sukaj për përgatitjen e seminarit dhe të gjithë kumtuesit, si edhe ju, të dashur pjesëmarrës, që jeni në këtë sallë. Sot mund të jemi krenarë për katedralen tonë, falë punës së shumë njerëzve.

Falënderoj:

Besimtarët katolikë shkodranë që me këmbëngulje kërkuan ndërtimin e kësaj katedraleje; Imzot Ivan Topič, Ipeshkvi që bekoi gurin e parë, me meshtarët dhe Ipeshkvijtë e famullitarët që me radhë kanë shërbyer në këtë kishë; Sulltanin, për lejen dhe Guvernatorin e asaj kohe; Konsullin austriak - arkitekti; Arkitektin shkodran Kolë Idromeno; Bamirësit shkodranë dhe të huaj; Të gjithë punëtorët nga fillimi e deri tani; Kardinalin Ivan Dias, i cili qe i pari Nunc në Shqipëri pas diktaturës komuniste dhe që mbështeti restaurimin e Katedrales.

Dëshiroj të përmend me përzemërsi dhe me respekt paraardhësin tim Imzot Frano Illia, si edhe Imzot Zef Simonin dhe Kard. Mikel Koliqin; Papa Benediktin XVI për Jubileun dhe për ndjesën e plotë; falënderoj Korin e Kapelës Sistina; falënderoj Eminencën e Tij, Kardinalin Franc Rodè për kushtimin që u bë më 12 janar 2008.

Në përfundim të kësaj kohe jubilare më lejoni të falënderoj edhe ata që në mënyra të ndryshme janë angazhuar me qëllim që e gjithë Dioqeza të mund t'i gëzonte hiret që Zoti na ka dhuruar. Janë shumë persona dhe me siguri nuk mund t'i kujtoj të gjithë.

Çdo vit më 12 janar do të kremtojmë në Kryedioqezën tonë solemnitetin e shugurimit të Katedrales.

Me zemrën plot mallëngjim, mirënjohje e me ndjenjat e një gëzimi të thellë uroj që Katedralja jonë, Kishë-nënë e Dioqezës, të shfaqë e të realizojë gjithnjë e më shumë “bashkimin” e Kishës sonë lokale.

    † Angelo Massafra

titujt kryesore

webmaster