FAMILJA, ARTIKULLIM I DIALOGUT

Nga data 28 shkurt deri më 2 mars në Sofie-Bulgari është zhvilluar takimi i tetë i presidentëve të Konferencave Ipeshkvnore të Evropës Jug-Lindore, kushtuar temës së familjes. Përtej përmbajtjeve, vetë ngjarja meriton vëmendje: për aftësinë organizative të shprehur nga Imzot Ch. Proykos dhe të konferencës së tij të vogël ipeshkvnore, që me këtë rast ka ditur të aktivizojë bashkëpunime të çmueshme të vullnetarëve e të universitetit; për vëmendjen e kushtuar nga ana e bashkësisë ortodokse (delegacion i udhëhequr nga Metropoliti Dometiyan) dhe asaj myslimane (prania e Imamit); për veprimtarinë diplomatike të zhvilluar nga Imzot G. Lenza (në nisje për Irlandë), që kulmoi me vizitën tek presidenti Pãrvanov, me ftesë të këtij të fundit.

Titulli - «Përgatitja e të fejuarve dhe shoqërimi shpirtëror i të martuarve» - vazhdonte reflektimin e filluar vitin e kaluar në Oradea (Rumani) dhe kishte për qëllim që të paraqiste një afrim projektues ndaj kësaj çështjeje, duke qenë se në këtë rajon të Evropës, më shumë se në të tjerat, familja është një vend simbolik dhe ekzistencial i dialogut. Në fakt katolikët janë minorancë në vendet e përfaqësuara, nganjëherë e paktë dhe prandaj martesa është në shumë raste e përzier, mes kishash të krishtera të ndryshme dhe besimesh të ndryshme.

Fenomeni i intereson gjithnjë e më shumë edhe pjesës tjetër të Evropës për shkak të flukseve emigruese. Martesat e përziera «janë një chance i veçantë për dialogun ekumenik dhe ndërfetar, por edhe një vend ku dalin në pah probleme që duhen përballuar seriozisht. Për martesat mes katolikëve, ortodoksëve dhe protestantëve është baza e përbashkët e fesë së krishterë, por mungon vizioni teologjik i njëjtë rreth sakramentalitetit të martesës.

Për martesat mes katolikëve dhe jo të krishterëve, sidomos myslimanëve, ekzistojnë rreziqet e humbjes së fesë për bashkëshorti/ten e krishterë, e të përfunduarit në indiferentizmin fetar, e ndarjeve, e varjes nga familjet, e imponimeve që shpesh bien mbi gruan, e izolimit të grupit etnik vetjak, e humbjes së identitetit dhe të çorientimit në edukimin e fëmijëve» (Komunikata përfundimtare).

Nga Revista “Il Regno”

titujt kryesore

webmaster