KISHA E SHNA NDOUT NË RRAFSH KULLAJ (Vrakë)

Jemi në pikën e thënë si Rrafsh Kullaj, komuna  Gruemire, rrënojat e  Shën Gjinit. Gjatë 13 të martave të Shna Ndout dhe me datën 13 qershor, dita e festës së këtij Shenjti të madh këtu kemi një kremtim krejt të veçantë.

Abacia e vjetër benedektine, që ekzistonte në vitin 1000, e lënë nga murgjit, ka mbetur dhe është përdorur si kishë qysh rreth një shekull më parë. Aty ngrihej edhe një këmbanare e madhe prej guri, të cilës tani i ka mbetur vetëm një pjesë e saj. Në rrënojat e mbetura të ndërtesës së kësaj abacie, tani pritet të zhvillohet edhe një kërkim arkeologjik, e për të këtë po interesohet Universiteti i Barit të Italisë dhe, mbase, edhe ai i Vjenës. Si pikë referimi fetar ka mbetur si traditë të shkohet në këtë vend të shenjtë për të kërkuar ndërmjetësin e Sha Ndout gjatë 13 të martave dhe mbi të gjitha në ditën e festës së Shenjtit.

Të gjitha kremtimet bëhen nën qiellin  hapur, ngaqë aty nuk është ngritur një kishë, por veç një strehë e vogël poshtë se cilës është vendosur altari. Lutet Rruzarja e shenjtë duke e kënduar, luten shumë uratë tradicionale, shumë lutje personale dhe shumë besimtarë pajtohen me Zotin në sakramentin e Rrëfimit.

Të nxitur edhe nga Imzot Angelo Massfra, priftërinj të ndryshëm vijnë aty me radhë për kremtimin e Eukaristisë dhe shumë të tjerë për rrëfime. Përpara Meshës është gjithmonë katekizmi i mbajtur nga një motër së bashku edhe me laikë. Edhe pse ka vështirësi kur bie shi, kur ka  erë të fortë, kur dielli i majit dhe qershorit djegin tepër, besimtarët që vijnë këtu prapëseprapë janë të shumtë. Ata kanë shpresë tek ndërmjetësia e Shna Ndout, marrin pjesë me shumë përshpirtëri në Meshën Shenjtë - sidomos duke marrë edhe kungimin shenjtë, i cili i forcon në besim - për ta dëshmuar pastaj në familjet e tyre, në punë, në shkollë dhe në çdo moment të jetës.

titujt kryesore

webmaster