MUAJI I MAJIT NË SHENJTËROREN E ZOJËS SË KËSHILLIT TË MIRË

Në shenjtëroren e Zojës gjatë gjithë vitit vazhdimisht vijnë besimtarë nga qytete dhe fshatra të ndryshëm për t'u lutur, shpesh edhe jo të krishterë. Por më së shumti është në muajin maj, muaj që Kisha ia Kushton Zojës së Bekuar, që besimtarët dynden në ambientet e kësaj shenjtëroreje edhe më shumë, duke ndjekur Meshën e Shenjtë dhe lutjet e tjera me shumë  përshpirtëri. I luten Nënës qiellore për nevojat e ndryshme që ato kanë.

Shpesh vijnë edhe grupe besimtarësh të organizuar nga famulli të ndryshme, nga shkolla, nga shoqata  etj.

Por më fort me këtë shenjtërore besimtarët i lidh historia e gjallë: shumë prej tyre flasin për mrekullitë dhe hiret e shumta që i kanë marrë prej Zotit me ndërmjetësinë e Zojës Mari, e kështu ka ndodhur edhe atëherë kur këtë shenjtërore diktatura e kishte kthyer në rrënoja.

Gjatë muajit maj në këtë shenjtërore, ku shërbejnë çdo ditë Bijat e Dashurisë Hyjnore, kishte Meshë çdo ditë në orën 18. 00 ndërsa të shtunave shtohej edhe Mesha e orës 8. 30. Gjatë Meshës shumë besimtarë merrnin edhe sakramentin e Rrëfimit. Por edhe gjatë gjithë ditës  shpesh deri në orë të vona të mbrëmjes  aty gjen besimtarë që rrinë në lutje tek këmbët e Nënës sonë.

Sa shumë njerëz  në katër anët e botës i afrohen Jezu Krishtit pikërisht nëpërmjet ndërmjetësimit të kësaj gruaje të shenjtë. Me të drejtë shumë shenjtër thonin: “Ad Iesum per Maria” (tek Jezusi nëpërmjet Marisë).

Motër Leonarda Përgega

titujt kryesore

webmaster