PËRURIMI I QENDRËS SE FORMIMIT PROFESIONAL “DON ORIONE” - BARDHAJ

 Të martën më 5 maj në Bardhaj të rrethit të Shkodrës, afër Qendrës së Formimit Don Orione, erdhi për të na vizituar ambasadori italian në Shqipëri, Saba d'Elia. Vizita në Qendrën Don Orione nga ana e ambasadorit bën pjesë në fushën e cerimonisë së hapjes të projektit të Konsolidimit të shërbimeve edukative dhe formative të Qendrës Profesionale Bardhaj - Bleran, ndërhyrje e nxitur nga Kongregata e Don Oriones e pranishme në Shkodër e mbështetur teknikisht dhe financiarisht nga Celim e Milanos, nga Ministria e Punëve të Jashtme dhe rrethi i Lombardisë.

Për të pritur ambasadorin ishin të pranishëm pjesëtarët e bashkësisë orionine, përgjegjës të aktiviteteve formative dhe udhëzuese të Qendrës Don Orione, përfaqësuesit e Celim në vend, nxënësit e kurseve të formimit profesional të selive të Qendrës Bardhaj, Oblikë, Obot e Tamarë. Shkëlqesia e tij Imzot Angelo Massafra, krytari i Bashkisë rrethina, drejtuesit e shkollës nëntëvjeçare Bardhaj, të kopshtit të Motrave Oblate të Zojës së Pompeit, të Zyrës së punës së Shkodrës, inspektori i drejtorisë së arsimit Shkodër, drejtori i fakultetit të Infermierisë së Universitetit të Shkodrës. Ambasadori italian, u shoqërua nga konsulli i Italisë në Shkodër, doktor Stefano Margucci dhe nga drejtori i zyrës së Bashkëpunimit Italian në Tiranë, doktor Lovisolo.

Gjatë vizitës, qoftë ambasadori, qoftë drejtori i zyrës së Bashkëpunimit, kanë nënvizuar rëndësinë e formimit profesional dhe vullnetin për të forcuar më tej mekanizmat e zgjidhjes së problemeve ndërmjet zyrave të Bashkëpunimit dhe Qendrës Don Orione dhe të ripërtërijë marrëdhëniet ndërmjet Shqipërisë dhe Italisë dhe ambasadori theksoi gatishmërinë e autoriteteve italiane për të bashkëpunuar me projekte të përbashkëta që të japin ndihmën e tyre në rritjen ekonomike dhe kulturore të Shqipërisë.

Në përfundim të fjalimeve të mirëseardhjeve, fjalën e mori Arqipeshkvi i Shkodër-Pult Imzot Angelo Massafra, i cili përveç falënderimeve ftoi edhe autoritetet lokale të veprojnë e të angazhohen më shumë në Bardhaj e kudo. Më pas ceremonia vazhdoi me prerjen e shiritit të përurimit si moment qendror i ceremonisë së hapjes zyrtare të projektit që aktualisht realizohet.

Të ftuarit kanë pasur mundësinë të vizitojnë klasat dhe laboratorët e Qendrës së formimit, ekspozitë fotografike dhe prodhime artizanale të organizuara për rastin. Ndër të tjera, ambasadori ka pasur mundësinë të vizitojë Kishën famullitare si dhe Qendrën Rinore Don Orione.

Bashkëpunëtoret orionine – Bardhaj

 titujt kryesore

webmaster