SHQIPTARË NË BOLZANO DHE TRENTO

I nderuar Imzot Massafra, ju falënderoj për përgjigjen. Jam duke bërë vetëm detyrën si katolike.

Me datën 25 prill në orën 12.00  kam organizuar Meshën e Shenjtë në gjuhën shqipe në Bolzano në kishën " Tre Santi" (via Duca d'Aosta ), të kremtuar nga prifti i Kosovës Atë Shtjefen Deda. Ishin të pranishëm më shumë se 120 shqiptarë. Fatkeqësisht kishte pak vetë nga Shqipëria, pasi shumica ishin nga Kosova. Prandaj lind nevoja që të njoftohen nga ana e kishës në Shqipëri që në Trento e Bolzano po kremtohet Mesha në gjuhën  shqipe e kush ka të afërm në këto zona t'i lajmërojë e t'u japin numrin e telefonit 3284760124 për informacione. Po ju dërgoj disa fotografi të kësaj meshe, nëse ju interesojnë për arkivin e kishës. Mesha tjetër do të kremtohet  më 24 maj në orën 16.00 ne kishën " Sposalizio" në via Barbacovi në Trento.  Nga arqipeshkvia e Trentos është dërguar një ftesë Don Lush Gjergjit (në Prizren).  Qyteti i Trentos bën festën e popujve me datën 23-24 maj, prandaj është vendosur që do të përfaqësojmë Shqipërinë në sheshin FIERA në orën 15.00 për të pasur mundësi që të gjithë shqiptarët katolikë të pranishëm të shkojnë në meshë, kështu që numri do të jetë më i konsiderueshëm. Me nderime.

Leonora ZEFI

 titujt kryesore

webmaster