SIMPOZIUMI MBI SHËN PALIN

Në vazhdën e aktiviteteve të ndryshme që në çdo dioqezë të Shqipërisë – sikurse në mbarë botën – po zhvillohen gjatë këtij viti të kushtuar Shën Palit, Konferenca Ipeshkvnore Shqiptare ka organizuar edhe një simpozium mbi figurën e këtij Apostulli të madh, përhapës i paepur i Ungjillit të Jezu Krishtit.

Ky simpozium u titullua “Shën Pali dhe doktrina e tij sot” dhe u mbajt në orën 9. 30 të datës 2 maj 2009, në ambientet e Universitetit “Zoja e Këshillit të mirë”, në Tiranë.

Në fillim të këtij programi fjalën përshëndetëse e mbajti Sh. T. Imzot Rrok Mirdita, President i Konferencës Ipeshkvnore Shqiptare. Ishin të shumtë ligjëruesit e këtij simpozimi: Prof. Aleksandër Meksi, me temën “Krishterimi i hershëm në trojet shqiptare; Fra Flavio Cavalini O.F.M, me temën “Pali: hebre, romak dhe grek”; Imzot Johan Pelushi me temën “Termi 'Ligji' tek letra e drejtuar Romakëve; Imzot George Frendo O.P. me temën “Dimensioni shoqëror i dashurisë sipas Shën Palit”; dhe Dom Marjan Gega me temën “Dinjiteti njerëzor në shkrimet e shën Palit”. Këto ligjërata kishin për qëllim që të na e bënin edhe më të kuptueshëm Shën Palin dhe rolin e rëndësishëm që ai zë në Kishën e Hyjit, për jetën e mbarë botës. Pasdite, në Katedralen e Shën Palit-Tiranë, në orën 19.00, kori ndërkombëtar “Inter Nos” shfaqi një koncert muzikor në nder të Apostullit të popujve.

Dom Dritan Ndoci

 titujt kryesore

webmaster