Kremtimi i 15 – vjetorit te misionit

te motrave Franceskane ne Fushe Arrez

Motrat Françeskane të Zojës Orvieto Todi nga Gjermania, 27 prilli i vitit 1995 do të shënonte fillimin e një misioni të ri. Motrat vendosën të hapin misionin e tyre në zonën e Veriut, në Famullinë e Shën Jozefit në Fushë-Arrës. Ashtu si për këdo, edhe për këto motra, vetëm dy, fillimi ishte i vështirë. Pikë së pari ishte mosnjohja e gjuhës; situata e atyre viteve ekonomike dhe politike – shoqërore ishte tejet kritike. Në një vend ku mbizotëronte varfëria e tejskajshme, as vetë motrat nuk dinin se nga t'ia fillonin. Por edhe pse në vështirësi dhe në sakrifica të mundimshme, në emër të dashurisë së Krishtit motrat e mrekullueshme filluan të realizonin planin e Hyjit në shërbim të popullit të Zotit, pa dallim  duke ofruar vetveten, kujdesin baritor dhe shpirtëror.

Tashmë kanë kaluar 15 vite që Motër Gracia Ruf, Motër Benardeta Ebenhof shërbejnë në gjithë zonën e Fushë - Arrësit. E pikërisht, me 27 prill 2010, në famullinë e Shën Jozefit u organizua kremtimi i këtij 15-vjetori të misionit të Motrave, me pjesëmarrjen e bashkësisë famullitare, të autoriteteve civile të pushtetit lokal, meshtarë e motra, si dhe Bariu i grigjës së Sapës, Imzot Lucjan Avgustini, i cili udhëhoqi kremtimin eukaristik në bashkëkremtim me Famullitarin, misionarin kapuçin nga Gjermania, Atë Andres Walterman dhe meshtarë të tjerë. Në fjalën e rastit, duke hedhur sytë nga e kaluara, Imzot Lucjani tha se  provania e Zotit ka dashur që në këtë vend të jenë këto dy motra, të cilat nëpërmjet shërbimit të tyre e  kanë ringjallur dhe i kanë dhënë jetë kësaj zone duke i ndihmuar në çdo drejtim: duke ia ushqyer fenë dhe besimin në Jezu Krishtin, duke i mbështetur dhe ndihmuar në sëmundje, duke buajtur të pastrehët, duke ushqyer të uriturit, duke u dhënë dashuri të vobektëve e jetimëve, pra duke dhënë kontributin e tyre në shumë e shumë drejtime të tjera. Duke përfunduar Ipeshkvi falënderoi të gjithë bamirësit që kanë kontribuar, dhe tha se  gjithë ky shërbim, të gjitha këto vite të misionit në këtë vend, kanë qenë të vendosura në themelin e patundur të çdo të krishteri, në Jezu Krishtin. 

Motrat Françeskane të Orvieto Todit kanë dhënë kontributin e tyre të çmueshëm edhe në shkollimin e të rinjve, ku rreth 150 prej tyre kanë kryer studimet qoftë në Shqipëri ashtu dhe jashtë saj. Po ashtu janë ndërtuar 60 shtëpi të reja dhe rikonstruktuar 150 të tjera. Falë mbështetjes ekonomike të ofruar nga motrat dhjetëra pacientë janë kuruar jashtë vendit në Gjermani.

titujt kryesore

webmaster