Lin Delija dekorohet me urdherin “Nderi i Kombit” 

Lin Delija lindi në vitin 1926 në Shkodër dhe vdiq në vitin 1994 në Romë dhe më 24 Maj 2010 Presidenti i Republikës SH.T.Z. Bamir Topi e ka dekoruar, pas vdekjes me Urdhrin “Nderi i Kombit” piktorin e shquar shqiptar me motivacionin: “Piktorit të madh, që me artin e tij pasqyroi lidhjen e fortë me atdheun dhe promovoi vlerat e lirisë dhe të demokracisë. Artistit autentik dhe përfaqësues në botë, i cili shndërroi temën shqiptare në vlerë universale, artin e tij në trashëgimi të përjetshme dhe urë komunikimi mes popujve”.

Në fjalimin e rastit Presidenti tha: “Natyrisht, jemi mbledhur në këtë ceremoni sot për të nderuar një nga ato figura, për të cilat ne, me të drejtë krenohemi, Lin Delinë, njërin prej piktorëve më origjinalë bashkëkohorë shqiptarë, është njëkohësisht edhe më i veçanti për fatin dhe për aktivitetin e tij. Ai i ka munguar shumë gjatë Shqipërisë, si bir dhe shprehës gjenial i etosit dhe i shpirtit shqiptar. Më në fund ai po kthehet nga rrugëtimi i nisur më se gjashtë dekada më parë në kërkim të lirisë dhe të mundësisë së shprehjes të shpirtit të tij artistik”

Në këtë ceremoni në bashkëpunim me Bashkinë e Antrodokos, ku ekziston edhe “muzeu i qytetit Lin Delija”, u prezantuan për herë të parë disa nga veprat e tij. Me këtë rast morën pjesë Sh.T. Mons. Angelo Massafra, Arqipeshkëv i Shodër-Pult, Fra Gazmend Tinaj, Provinciali i Fretërve O.F.M, Fra Flavio Cavallini OFM dhe Fra Vincenzo Foca', O.F.M.

Në nderim të figurës së tij, në këtë aktivitet morën pjesën edhe përsonalitete të artit, kolegë, miq e të afërm të piktorit.

Dom Dedë Demaj

titujt kryesore

webmaster