Takimi i Junioreve

Më datë 23-25 prill 2010, u mbajt takimi i joniuratit në seminarin Ndërdioqezan “Zoja e Këshillit të Mirë” në Shkodër.

Takimin e radhës e mbajti Motër Dila Shtjefni, motër Françeskane e Zojës së Papërlyer me temë: “Dimensioni martesor i jetës së Kushtuar”.

U bë mikpritja e motrave e më pas u vijua me paraqitjen e temës të cilën motra e ndau në tri faza:

a) faza e parë - të dashuruarit; b) faza e dytë - dashuria martesore; c) faza e tretë  - identiteti i gruas së kushtuar.

Ajo theksoi se njeriu në vetvete ka një natyrë martesore, pra është një dashuri trashendente që të bën të shkosh përtej vetes, tek tjetri. Kjo dashuri martesore e Zotit me njeriun vihet re që në Besëlidhjen e Vjetër, ku Zoti e thërret popullin si e fejuara e tij (shih Oz 2; Is 54). Objekt i kësaj dashurie njerëzore është vetë Hyji. Zoti është Dhëndri i cili i rri besnik nuses së tij. Kjo martesë më parë e bërë me një popull, në Krishtin identifikohet në Kishën e tij e në mënyrë të veçantë me çdo person që është gjymtyrë e këtij trupi. Prandaj të duash Jezusin si Dhëndër do të thotë të bashkëndash fatin e tij «Kryqin».

Këto e fjalë të tjera na bënë të ndalemi e të meditojmë se në çfarë mënyre e jetoj unë dimensionin tim martesor në jetën e Kushtuar? Gëzimin tonë e shtoi edhe prania e Shkëlqesisë së Tij Imzot Angelo Massafra me kremtimin e Meshës së Shenjtë dhe më pas së bashku në darkën vëllazërore.

Një takim tjetër i junioratit, i katërti dhe i fundit për këtë vit, ishte shumë i përafërt me atë të radhës së kaluar, me datë 7- 9 maj, po në seminarin Ndërdioqezan “Zoja e Këshillit të Mirë” në Shkodër.

Ishin të pranishme rreth 30 motra të reja të Kongregatave të ndryshme. Relator këtë herë ishte Don Karmelo…. i cili na foli për jetën e Kushtuar duke u bazuar në dokumentet e kishës “Vita consacrata” dhe duke u nisur nga kjo për të shikuar Karizmat dhe Rregullat e jetës së secilës dhe karizmat tona personale, se si ato janë të mishëruara në ne e se si ne identifikohemi në to.

Këtë herë gëzimin tonë e kemi shprehur edhe nëpërmjet rikrijimit të bërë të shtunën në darkë me lojëra e këngë dhe poezi të çastit, me anë tëtë cilave kemi përshëndetur edhe motrat që do të lënë joniuratin për t'u përgatitur për kushtet e përjetshme.

Të dielën kemi parë edhe filmin Ditari i Ana Frank, dhe më pas ka qenë momenti i bashkëndarjes dhe i falënderimit ndaj Zotit dhe eprorëve për mundësinë që na kanë dhanë për t'u takuar në këto takime formimi, sepse ndryshueshmëria jonë e pasuron Kishën.

Motër Mimoza

titujt kryesore

webmaster