BENEDIKTI XVI NË PULIA – ITALI

Më 14-15 qershor papa Benedikti XVI ka bërë vizitë baritore në krahinën e Pugli-as: në shenjtëroren “Shën Maria di Leuca” dhe Brindisi. Qenë të ftuar edhe ipeshkvijtë Imzot Massafra dhe Imzot Palmieri, të cilët morën pjesë në dy kremtime.

Më 14 qershor, në ora 17.00 ishte mesha solemne në sheshin e shenjtërores, në Shën Maria di Leuca, ku sipas traditës, arriti edhe Shën Pjetri në rrugën për në Romë.

Në homelinë e Tij Papa tha: “Për të qenë peshkatarë me Krishtin duhet të jemi më përpara të “peshkuar” prej Tij. Shën Pjetri është dëshmitar i këtij realiteti, ashtu siç është Shën Pali, i kthyeri totalisht, pë të cilin pas pak ditësh do të inaugurojmë dymijëvjeçarin e lindjes”.

Më 15 qershor Papa kremtoi meshën ne Brindisi në zonën detare Shën Apolinare ku morën pjesë rreth 70.000 besimtarë. Pas meshës, ipeshkvijtë patën drekën me Papën në Pallatin e sapo restauruar të Arqipeshkvisë së Brindisit.

titujt kryesore

webmaster