IMZOT WARDUNI KUNDËR DËNIMIT ME VDEKJE

TË GRABITËSIT TË IMZOT RAHHO

“Ne synojmë paqen, sigurinë dhe pajtimin e Irakut, të gjitha këto gjëra për të cilat u konsumua jeta e Imzot Rahho dhe për të cilat ne vazhdojmë të punojmë”. Kështu Imzot Shelmon Warduni, ipeshkëv ndihmës i Bagdatit, e ka komentuar për agjensinë Sir dënimin me vdekje nga ana e Autoritetit Iraken të Ahmed Ali Ahmed, lidër i Al Kaedës, i cili qe përfshirë në grabitjen dhe në vrasjen e arqipeshkvit të Mosulit, Imzot Paulos Faraj Rahho.

Siç dihet prelati kaldeas qe grabitur 29 shkurtin e kaluar dhe qe gjetur i vdekur më 13 mars. “Imzot Rahho - vazhdon Warduni - nuk do ta kishte pranuar një dënim të tillë. Parimet e krishtera pohojnë se nuk është e lejuar që dikush të dënohet me vdekje dhe na ftojnë për falje, për pajtim dhe për drejtësi. Kishës irakene i intereson paqja, siguria dhe pajtimi i vendit”.

Duke iu referuar situatës së tanishme, Imzot Warduni thotë se ka “njëfarë përmirësimi edhe në Mosul njerëzit thonë se gjërat janë pak më mirë”. Shprejsojmë që kjo të zgjasë dhe Al Kaeda të mposhtet”.

Lajmi i dënimit të Ahmed Ali Ahmed, i njohur si Abu Omar, është dhënë dje nga zëdhënësi i qeverisë Ali al-Dabbagh. Burime ushtarake dy ditë pas gjetjes së trupit të Imzot Rahho thanë se kanë arrestuar një njeri të përfirë në këtë grabitje. Dënimin me vdekje e kanë pritur me gëzim nga Ambasada americane në Bagdat. Nuk është bërë e ditur data e ekzekutimit. (R.G.)

Nga Radio Vatikani

titujt kryesore

webmaster