KAMP VEROR 2008

ORGANIZUAR NGA MOTRAT VINÇENCIANE

Prterë) nëanë ambientit të motrave Vinçenciane (Bijave të Dashurisë së Krish lagjen Partizani, me pjesëmarrjen e 170 fëmijëve nga mosha 5 - 14 vjeç, u organizua kampi veror 2008, tema kryesore e të cilit ishte Medalja Mrekullibërëse.

Me qëllim motrat e kanë zgjedhur këtë temë, sepse ky vit është viti jubilar për mbarë familjen vinçenciane me rastin e 100 vjetorit të pranimit nga Kisha të shoqatës së Medaljes mrekullibërëse (1909- 2009). Ky vit jubilar është hapur më 8 korrik 2008 dhe mbyllet më 20 nëntor 2009.

Çfarë është medalje mrekullibërëse? Një motre novice me emër Katarina Laboure duke medituar i shfaqet Zoja e Bekuar dhe i kërkon që të punohej një medalje sipas pamjes që kishte parë në vegim. Ky vegim ka filluar nga 18 korriku 1830 deri me 27.11.1830 në shtëpinë Amë të motrave Vinçenciane Rue du Bac në Paris të Francës. Në këtë kapelë pushon trupi i saj akoma i pa kalbur dhe në këtë kapelë çdo ditë shtegtojnë afër 4000 shtegtarë duke kërkuar ndërmjetësinë e Zojës së Bekuar nëpërmjet medaljes Mrekullibërëse duke u lutur me lutjen “O Mari e zënë pa mëkat lutu për ne që po të thërrasim në ndihmë”, që gjendet në anën e pasme të medaljes. Ndërsa në anën tjetër të medaljes shkronja M e gërshetuar në Kryq dhe dy zemra njëra me kurorë ferrash dhe tjetra e shporuar me shpatë që simbolizojnë jetën e Marisë të bashkuar ngushtë me atë të Jezusit dhe përreth saj dymbëdhjetë yje që simbolizojnë dymbëdhjetë apostujt. Në vitin 1832 stampohen medaljet e para. Vetë Zoja e bekuar i kishte thënë novices së re se “kush do ta mbajë këtë medalje me besim do të fitojë shumë hire”. Prandaj edhe populli i dha asaj emrin Medalja Mrekullibërëse.

Përveç temës që ka qenë shumë interesante, kemi zhvilluar edhe aktivitete e lojëra të ndryshme. Lumturia ka qenë shumë e madhe kur shkëlqesia e tij Imzot Angelo Massafra na ka vizituar dhe përreth një orë ka qëndruar mes nesh si baba dhe bari i mirë. Këtë aktivitet veror e kemi mbyllur me një program artistik në të cilin nuk munguan kënga, humori, lojërat e shpejtësisë, vallet popullore si edhe një shfaqje ku paraqitej dëftimi i Marisë motër Katarina Laboure.

Të ftuar në këtë program kanë qenë edhe shumë prindër. Pas programit motrat kishin përgatitur edhe koktej për të gjithë të pranishmit.

Së fundi në emër të të gjithë fëmijëve që kanë marr pjesë në kamp falënderojmë motrat, kandidatet si dhe animatorët nga lagja Partizani dhe Skënderbeg që na kanë mundësuar këto momente të bukura argëtimi. Takimin e përfunduam me shpresën se do të takohemi vitin tjetër.

Nga motrat Vinçenciane 

titujt kryesore

webmaster