KONGRES KOMBËTAR MBI BARITOREN THIRRORE

Edhe këtë vit dioqeza e Shkodrës ka mikpritur “Kongresin e V kombëtar të studimeve mbi baritoren thirrore”, që u zhvillua në ambientet e Seminarit ndërdioqezan shqiptar në data 2 - 4 qershor.

Tema e këtij viti “Thirrja e Hyjit - Përgjigjja e njeriut” i ka nxitur pjesëmarrësit që të ballafaqohen mbi disa tematika të veçanta si: dëshira për të formuar rëndësinë e dëgjimit; përkujdesja e marrëdhënies mes ungjillëzuesit dhe të ungjillëzuarit; respekti i tjetrit; kompetencat formative; etj.

Të ndihmuar nga relatorë kompetentë në fushën psikologjike dhe antropologjike, pjesëmarrësit kanë parë nga afër rëndësinë e të qenit me vetveten dhe me të rinjtë, të shoqëruar dhe shoqërues, me vetëdijen se sot është e rëndësishme që të kuptohet se përgjigjet e vërteta, ato që vijnë nga Hyji, gjenden brenda zemrës së njeriut.

Punimet në grupe kanë kontribuar që të mbushet ndonjë lagunë në fushën formative.

Dëshmitë e meshtarëve të rinj, motrave dhe të laikëve kanë ndihmuar që të kuptohet rëndësia e të zbriturit në kontekstin konkret të jetës shqiptare.

Kongresi është mbyllur me një tryezë të rrumbullakët e cila, më fort se t'i mbyllte punimet, u bë pikë nisjeje për të programuar një periudhë “punimi” dhe “bashkëpunimi” në dëshirën për të ecur përpara, të sigurt se Hyji është autori i thirrjes dhe se njeriut i takon gëzimi i përgjigjes.

Motër Gelsomina Rossi

titujt kryesore

webmaster