ORIONINËT ME FËMIJËT DHE TË RINJTË

Në projektet e formimit për të rinjtë që i përkasin fshatrave Bardhaj-Bardhanjor dhe Shirokë-Ana e Malit, meshtarët orioninë, Dom Giuseppe De Guglielmo dhe Dom Rolando Reda, kanë vënë edhe teatrin, një formë komunikimi shumë i vlerësuar dhe i ndjekur nga të gjithë. Duke dashur të transmetojmë një mesazh të fortë dashurie dhe besnikerie për Krishtin, shembulli i martirëve ka qenë mendimi i parë. Nën drejtimin e regjizorit Gjovalin Stefa është realizuar vepra “Në vorbullën e Martirit” dramatizim i ngjarjes së 4 marsit 1946, procesi fallso kundër etërve jezuitë, një seminaristi, disa meshtarëve, fretërve dhe të rinjve katolikë të dënuar me pushkatim.

Angazhimi i të rinjve ka qenë shumë serioz, i vazhdueshëm dhe me rezultat. Drama është prezantuar në teatrin e Fshatit të Paqes, në fillim shokëve e miqve të tyre dhe më pas të deleguarve të takimit kombetar të Legjionit të Marisë dhe më pas prindërve dhe të afërmeve të ardhur nga Bardhaj. Edhe nga ana artistike prezantimi ka qenë shumë i mirë dhe meqë entuziazmi ka qenë i madh, u mendua që t’i ofroheshim edhe të tjerëve. Në Dajç Bregu i Bunës shumë të moshuar qanin duke kujtur ato kohë. Në Lac Vau i Dejes teatri ishte i mbushur me njerëz ndërsa më 24 Maj kjo drame u dha në Fshatin e Paqes për të rinjtë e Dioqezës. Kudo që kemi shkuar grupi i artisteve ka marrë vlerësimet më të mira, por për ne e rëndesishme është së historia e martirëve shqiptarë, për të cilët është në vazhdim procesi i Lumturimit, është njohur nga shumë dhe dëshmia e tyre heroike e besnikerisë, e dashurisë për Krishtin, duke falur edhe persekutuesit e tyre, të jetë një mesazh i fortë për zemrat e të gjithëve: të rinjve, të rriturve: të thirrur për të dëshmuar sot.

Atë Rolando Reda 

titujt kryesore

webmaster