25-VJETORI I MESHTARISË I FRA FLAVIO CAVALLINIT

Me datën 16 qershor 2009 në orën 19.00, u kremtua në Kishën Françeskane “Zoja Nunciatë”, Lezhë 25 vjetori i meshtarisë së Fra Flavio Cavallinit. Merrnin pjesë një numër i madh besimtarësh. Nderonin me pjesmarrjen e tyre dhe Shkëlqësia e tij Imzot Ottavio Vitale, Ipeshkëv i Dioqezës së Lezhës, Zëvëndës Provinciali i Urdhërit Françeskan Fra Leonardo Deja, shumë meshtarë të ardhur nga të gjitha Dioqezat e Shqipërisë, si dhe e ëma, zonja Mariza Cavallini.

Meshën Shenjte e drejtoi vet Fra Flavio, e cila u këndua nga “Kori Mix” i motrave me soliste zonjen Florinda Gjoni e shoqëruar në organo nga znj. Flora Sokoli. Në homilinë e tij fra Flavio kujton me emocione ditën e shugurimit meshtarak në Verona (Itali) para 25 vjetësh nga Shkëlqesia e tij Imzot Settimio Ferrazzati, Françeskan, Ipeshkëv i Bisaut. “Duke përkujtuar Krishtin në larjen e këmbëve apostujve në javën e madhe tha ndër të tjera oratori, edhe unë do të jemi shërbëtor i devotshëm i Krishtit, do të jem i përvuajtur, i palodhur para besimtarëve në dhënien e sakramenteve të fesë”. Pastaj pas mbarimit të homelisë Shkelqësia e tij Imzot Ottavio i dha Fra Flavios bekimin duke përkujtuar ditën e 25 vjetorit meshtarak.

Pastaj filluan përshendetjet. I pari e mori fjalën Imzot Vitale.  Ndër të tjera ai tha: “Fra Flavio Cavallini i ka dhënë një kontribut të çmuar Dioqezës së Lezhës. Edhe unë si Ipeshkëv kam pasur një ndihmë të madhe prej këtij meshtari. Në përshëndetjen e tij Zëvëndës Provinciali i Urdhërit Françeskan të Shqipërisë Fra Leonardo Deja tregoi ditët e para të ardhjes së tij nga Polonia në vitin 1997. “Si Provincial, vazhdoi ai, kam gjetur Fra Flavio Cavallinin. Atë kohë ai ishte i nxënë me rikonstruksionet ose ndërtimet e Kishave françeskane ndër Dioqezat e ndryshme të Shqipërisë, me paisjen e tyre me bazë materiale, me kujdesin për fretrit e moshuar, me novicët, por ai prapë se prapë e gjente rastin që të bisedonte me ne. Unë e njoh si meshtar punëtor, të gjithanshëm dhe i papritueshëm. Unë kam mësuar shumë prej Fra Flavios”. Përshëndeti edhe kryetari i një vatre në lagjen “Nënë Tereza” në Kodërmarlekaj, z. Agim Ibraj, i cili përmendi rëndësinë e ngritjes të Vatrave nga Fra Flavio dhe rolin shpirtnorë të tyre.

Pas Meshës në oborrin e Kishës, trupa artistike “Bijt e Sh'Françeskut të Assizit” i bënë një surprizë të këndëshme Fra Flavios dhe të pranishmve duke ardhur nga Shkodra dhe duke dhënë enkas një program të pasur artistik. Pastaj u shtrua një banket i sponsorizuar nga antarët e Vatrave. Gjatë banketit ma e bukura e të bukurave ishte se në murin e Kuvendit u shfaq pa za një diafilm mbi një pjesë të jetës të Fra Flavios në Dioqezat ku ka sherbyer.

Franc Radoja

   titujt kryesore

webmaster